Gopaum-om sa maestro
USA ka 14-anyos nga lalake nga tinun-an sa grade six ang nireklamo batok sa iyang mahuyang nga maestro nga nimolestiya kaniya ilawom sa kawayanan sa usa ka barangay sa lungsod sa Barili.
Si ‘John Llyod’ (di tinuod ngan), nahinabi sa Sun.Star Superbalita, nitug-an nga sa inaging buwan ‘giparemedyo’ siya sa iyang maestro nga mahuyang bugti sa kuwarta nga P120 alang sa lawasnong kalipay.
Sumala sa menor de edad, nianang alas 7:00 sa gabii niadtong higayona, siya diha sa usa ka bakery nag-atang og mini bus aron mopauli sa ilang barangay sa Sayaw uban sa usa ka higala apan, kalit lang niabot ang iyang magtutudlo nga mahuyang.
Dugang sa biktima, nisinyas kini nilang duha sa pagsunod ug wa kini niya panumbalinga sanglit dihay naabot nga mini bus apan way suwerte kay wa sila hunongi.
Dihadiha ang mahuyang nga maestro niduol kaniya ug sa iyang higala nga ginganlan og ‘Dens.’ Gihangyo sila nga adto na lang mag-atang og mini bus sa terminal sa lungsod sa Barili nga di halayo sa boarding house sa magtutudlo.
Gipapaabot sila sa eskinita ug ang maestro nag-ilis og kadali sa iyang unipormi sa eskwalahan ug nibalik dayon sa ilang nahimutangan.
Gidala silang duna ni ‘Dens’ sa usa ka ngitngit kaayo nga lugar nga dunay daghang kawayan.
Matod ni John Llyod, nakuyawan na siya nga dihang ang maestrong mahuyang gustong ‘magpatorjack’ kaniya. Nibalibad siya kay wala pa siya makasuway niini busa si Dens na lang maoy nihimo.
Apan gipugos siya sa maestro, giwalis ang iyang short nga de garter nga nagsigi’g hangyo kaniya nga moum-om na lang sa iyang kinatawo.
Ug tungod sa iyang kahadlok, napugos siya sa paghimo sa gusto sa ilang maestro.
“Sige lang gud sunod bitaw na siya si (Dens) puli-puli bitaw human nimo siya na pud mao to nga gi-tsu.. nako ang iyang kinatawo murag ako naman hinuoy nabayot atong higayon pero nailad ko ako gipahimuslan ko niya,” sumala sa 14 anyos nga si John Lloyd.
Human siya gipaum-om sa kinatawo sa ilang maestro, gihatagan dayon siyag P120 alang sa serbisyo ang P20 iyang gihatag ngadto kang Dens, ug ang maestro nidugang og P20 ngadto kang Dens, sumala sa menor de edad.
Ang maong hitabo nasayran na sa iyang ginikanan ug, sumala sa menor de edad ngadto sa Sun.Star Superbalita, ang maong insedenti gipa-blotter na sa Barili police station.
Ang Sun.Star Superbalita nisuway sa pagkontak sa kapulisan sa Barili apan daut ang linya sa ilang telepono.
Dugang sa menor de edad nga nagpadayon siya sa pagtungha karon ug bisan na-blotter na ang hitabo, murag wa lang kini panumbalinga sa maong magtutudlo.
Dason niya, andam siyang mosang-at og pormal nga reklamo batok sa maong matutudlo nga mahuyang.