Iro, katabang wa mag-ukang?

TUNOG kaayo sa Carcar ang estorya nga dunay babayeng katabang nga wa mag-ukang ug ang high breed nga iro nga lake sa iyang amo dihang iyang gilawgan sulod sa tangkal pipila ka mga adlaw ang nakalabay.

Ang usa ka staff sa tambalanan sa Carcar nanghimakak niini samtang ang usa ka pulis niingon nga wa kini moabot kaniya nga kasayuran.

Sa impormasyon nga nadawat sa Sun.Star Superbalita gikan sa usa ka ginang kinsang ngalan gipugngan nga niadtong niadtong Miyerkules ang maong katabang nalandig sa usa ka tambalanan sa nahisgutang dapit.

Apan ang nakapaukay ug nakapanglimbawot sa balhibo sa mga tawo sa lugar nga giingong nalandig sa tambalanan ang maong katabang human ang kinatawo sa usa ka dakong iro nga nakighilawas niini wala na matangtang.

Sumala pa niya nga niadtong Miyerkules sa buntag ang katabang giingong gikan sa banyo kay naligo ug nagtapis lang sa tualya apan nidiretso kinig sulod sa tangkal ug gilawgan ang dakong iro sa paburito niining pagkaon.

Dihang didto sa sulod sa tangkal ang katabang, kalit lang na-lock ang trangka niini hinungdan nga gikabay-an gilayon sa Iro.

Tungod sa kadako niini wa nay nahimo pagdepensa sa kaugalingon ang dalaga.

Naabtan nalang ang biktima sa mga kabanay sa iyang amo nga usa ka inilang tawo sa Carcar ug gitabang unta apan giingong nagproblima sila tungod kay bisan giunsa sa pagbira ang iro wa na kini maibot.

Gidali sa pagdala sa tambalanan aron maluwas. Matod sa ginang nga gitabunan lang kinig habol nga naglambiyong uban sa iro nga gitapuk-an sa daghang mga tawo.

“Dunay daghang mga tawo didto sa area nga nitabang sa maong katabang. Giingong ang maong biktima dunay deperensya sa pangisip apan nahibulong na lang sila kon nganong gitagoan ang maong insidente,” dugang sa ginang.

Usa ka staff sa tambalanan sa dakbayan sa Carcar nga wa magpaila nga nahinabi sa Sun.Star Superbalita nanghimakak sa reports tungod kay sulod ning semanaha way bisan usa ka katabang nga babaye base sa ilang record nga wala mag-ukang uban sa usa ka Iro.

Gipadayag niini nga imposible kaayo kon nalandig kini sa tambalanan ug nahitabo man tinuod ang report di mahitabo nga di sila makahibawo.

Igo nalang sa pagkatawa ang maong staff sa hospital.