Nakauna mi sa NBI: Digal

HINGPIT nang nibiya sa iyang pwesto isip hepe sa Cebu Provincial Police Office (CPPO) Si Sr. Supt. Erson Digal human iyang giduso kagahapong adlawa ang suwat nga relinquishment letter ngadto kang Chief Supt. Ager Ontog Jr., director sa Police Regional Office (PRO-7).

Human sa iyang pagbiya, iyang gibutyag nga mas una silang nakakuha sa video footage gikan sa hotel diin ni-check-in ang mga akusado sa pagdagit ug pagpatay kang Ellah Joy Pique niadtong Pebrero 8.

Ellah Joy `mipakita’ sa mga pulis

GIINGONG nagpakita sa mga pulis nga nagbantay sa ilang balay si Ellah Joy Pique, ang 6-anyos nga babayeng tinun-an nga gidagit ug gipatay niadtong Pebrero 8 pipila ka oras human siya gilubong sa sam-ang sa Brgy. Pardo, siyudad sa Sugbo, niadtong Dominggo sa hapon.

Berger, Karen miduso sa affidavit

NAG-AWHAG silang Sven Erik Berger ug Karen Esdrelon sa piskaliya nga ibasura na ang kasong gipasaka batok kanila.

Nitataw silang Berger ug Esdrelon nga dihang gidagit si Ellah Joy Pique niadtong Pebrero 8 wa sila sa Minglanilla niadtong higayona kay diri sila sa dakbayan sa Sugbo.

Digal parelibuhan

PARELIBUHAN ni Gob. Gwen Garcia si Sr. Supt. Erson Digal isip direktor sa Cebu Provincial Police Office.

Ang gobernador nasuko kaayo kang Digal human niya mahibaw-i nga namakak ang opisyal dihang iyang gimando-an nga susihon ang alibi sa mga suspek sa pagdagit ug pagpatay kang Ellah Joy Pique nga sila si Karen Esdrelon ug Sven Erik Berger nga wa gyud sila makagawas sa Waterfront Hotel and Casino sa Brgy. Lahug syudad sa Sugbo sa mga oras dihang nahitabo ang krimen sa lungsod sa Minglanilla.

PRO-7 mitukod og task force

NAGTUKOD og task force ang Police Regional Office (PRO-7) aron palawman pa ang imbestigasyon sa kaso sa pagdagit ug pagpatay kang Ellah Joy Pique.

Mao kini ang gikompirmar ni Chief Supt. Ager Ontog, direktor sa PRO-7, dihang nahinabi sa mga tigbalita atol sa pagbisita sa buhatan ni Gob. Gwen Garcia kagahapon sa udto.

2 ka mga pulis sa MCPO gireklamo nga nanghasi

DUHA ka mga pulis sa Mandaue City Police Office (MCPO) gipasanginlang nanghasi kanila pinaagi sa pagpanion og armas ingon man pagpamatid atol sa ilang pagresponde sa alarma.

Apan ang duha ka mga pulis ninghimakak ug nipasangil nga sila maoy gihasi sa mga lumolupyo sa ilang pag-abot sa dapit.

Nakigpinusilay sa pulis, patay

USA ka construction worker napatay sa kapulisan human kini nakigpinusilay kanila sa dan Tres de Abril, siyudad sa Sugbo, pasado ala una sa miaging kaadlawon.

Sa wa pa ang engkwentro, ang biktima gipasanginlan nga namusil sa laing upat ka mga batan-on nga daplin sa nahisgotang daan, apan suwerte nga way bisan usa nga naigo.

2 ka babaye gibanhigan

DUHA ka mga babaye ang gibanhigan luwan sa usa ka sakyanan sa dan F. Llamas, Barangay Punta Princesa, siyudad sa Sugbo, pasado alas 9:00 sa miaging gabii.

Usa sa mga biktima ahente og yuta ug gikataho nga daan nang may hulga sa iyang kinabuhi.

Hustisya isalig sa Ginuo: pari

Nihangyo ang simbahang Katoliko sa mga kabanay ni Ellah Joy Pique nga likayan ang pagpanimawos ug isalig sa Ginuo ang pagkab-ot sa hustisya sa kamatayon sa 6-anyos nga batang biktima.

Pasado alas dos sa hapon kagahapon, gilubong na si Ellah Joy sa sam-ang sa Brgy. Pardo syudad sa Sugbo.

Hustisya! singgit atol sa paglubong ni Ellah Joy

HUSTISYA ang gipalanog sa pamilya, kabanay ug mga higala atol sa paglubong ni Ella Joy Pique sa sam-ang sa Pardo, siyudad sa Subo kahagapon sa hapon.

Samtang, kumbinsido ang usa sa mga lola ni Ellah Joy Pique nga ang mga suspek nga gikustodiya karon sa Cebu Provincial Police Office (CPPO) mao gyud ang nagdagit ug nagpatay sa iyang 6-anyos nga apo.

Berger di makapasaylo sa mga nagduot kanila

DI makapasaylo ang Norwegian national sa mga tawo nga naglambigit kanila sa kasong pagdagit-patay ni Ellah Joy Pique.

Si Sven Erik Berger namahayag nga kon ang insidente nahitabo pa sa ilang nasod, di unta niya matagamtaman lakip sa iyang hinigugmang si Karen Esdrelon ning ilang pagkabilanggo karon.

Karen, Berger magminyo

MAGMINYO ug imbetado ang tanang mga tawo sa kasal nila ni Sven Erik Berger ug Karen Esdrelon, lakip na ang mga tawo nga nagduot ug kadtong nakatabang kanila sa kaso.

Ang manag-uyab nagplanong magpakasal karong Nobiyembre ning tuiga sa simbahan dinhi sa Sugbo, makalusot man sila o di sa kaso nga ilang giatubang karon, sumala sa inahan ni Karen nga si Josephine Esdrelon nga nahinabi sa mga tigbalita.

2 ka ‘drug queens’ nasikop

NASIKOP sa kapulisan ang duha ka giilang mga “drug queen” sa lungsod sa Balamban, Sugbo nga taudtaud nang gi-monitor sa kapulisan atol sa gipahigayong ronda ug buy bust operation sa duha ka mga barangay sa nahisgutang dapit kagahapon sa buntag.

Si Supt. Teofilo Siclot, hepe sa Provincial Anti-Illegal Drugs Special Operation (PAIDSOTG), nipahigayon sa joint operations inabagan nila ni Chief Insp. Januario Sario, hepe sa Balamban police ug mga kauban, kuyog ang mga sakop sa Philippine Drugs Enforcement Agency (PDEA-7).

Nag-date ‘gitulis’ sa silingan

MANAG-UYAB gitulis sa tulo ka mga tawo nga nagmotorsiklo, apan ang mga tulisan iyang nangailhan kay ila ra usab nga mga silingan.

Nahitabo kini niadtong Biyernes pasado alas 7 sa gabii, sa Brgy. Jagobiao, dakbayan sa Mandaue.

Ellah Joy ilubong karon sa Pardo

ILUBONG na karong adlawa si Ellah Joy Pique, ang 6-anyos nga tinun-an sa Calajo-an Elementary School sa lungsod sa Minglanilla nga gidagit ug gipatay niadtong Pebrero 8.

Mga barangay gibansay sa pagdakop og iro

GIBANSAYBANSAY sa Department of Veterinary Medicine and Fisheries unsaon sa pagdakop og iro ang mga barangay sa dakbayan sa Sugbo.

Si Dr. Alice Utlang, hepe sa DVMF, nibutyag nga una nilang gitudloan ang mga representante sa north district sa Cebu City Hall.

Giunay sa kauban

WA maayong pagkabahin sa halin sa kinawat nilang butang ang usa sa gituohang motibo sa pagpusil sa notadong kawatan pasado alas 4 sa hapon niadtong Biyernes sa Sityo Kaduloy, Barangay Tisa, dakbayan sa Sugbo.

Ang biktimang samdan sa iyang ulo ug anaa sa kritikal nga kondisyon giilang mao si Kenneth Fernandez, 43, taga Sityo Kalumboyan, Barangay Buhisan.

Berger, Esdrelon naa sa footage

NAKOMPIRMAR sa pakisusi sa National Bureau of Investigation (NBI) 7 nga sa oras nga gidagit si Ella Joy Pique niadtong Pebrero 8, ang mga suspek nga gibilanggo karon nag-check in sa Cebu City Waterfront Hotel.

Base sab kini sa footages sa close-circuit TV camera sa hotel diin nahimutang usab ang oras ug petsa kanus-a kini nakuha.

Bantay Dagat, illegal fisher namatay

SAKOP sa Bantay Dagat sa lungsod sa Argao ug usa ka gikatahapang illegal nga mangingisda nangamatay dihang ang ilang mga grupo nagkapinusilay alas 12:00 sa miaging tungang gabii sa kadagatan sa Barangay Talaga, lungsod sa Argao, Sugbo.

Si Alvin Galeos 39, minyo, taga Barangay Poblacion, namatay sa iyang samad pinusilan sa dughan gikan sa wa matinong kalibre sa armas.

Martes pa ang resulta

NAGPADAYON gihapon ang Land Transportation Office (LTO) sa verification process sa pag-ila sa tag-iya sa sakyanan nga giluwanan sa mga suspek pagdagit ug pagpatay sa 6-anyos nga biktima nga si Ellah Joy Pique.

Gubat batok sa illegal fishing gideklarar na sab ni Gwen

GISUBLI ni Gobernador Gwen Garcia ang pagdiklarar og “all-out war” batok sa mga nalambigit sa illegal nga pagpanagat sa lalawigan sa Sugbo.

Gibuhat kini sa gobernador human laing sakop na usab sa Bantay Dagat ang namatay human gipusil sa giingong armadong illegal nga mga mananagat sa miaging tungang gabii sa lungsod sa Argao.

Gibaligya o gihatag?

WA pay kasong gipasaka ang kapulisan sa Mandaue City batok sa usa ka inahan nga giingong nibaligya sa iyang duha pa ka buwan nga anak babaye.

Usa ka babaye nibaligya sa bata sa kantidad nga P2,000, apan ang managtiayong giingong nakapalit nga taga lungsod sa Consolacion niingon nga wa nila bayri ang inahan.

P11.8M alang sa landfill giaprobahan

GIGAHINAN na og igong pundo sa Cebu City Hall ang Inayawan landfill human gihatagan og ultimatum sa Department of Environment and Natural Resources (DENR) sa pagpasira niini.

Ang konseho nipalabang og gahin nga P11,800,000 alang sa pagtukod sa waste water leachate ug sludge treatment facility alang sa landfill.

Bayot, 18-anyos gisikop, nasakpang nag-oral sex

NEGUSYANTE nga bayot ug usa ka 18-anyos nga lalake nadakpan sa mga security guard dihang naaktuhan nga sila nag-oral sex sa hagdanan sa usa ka bar sa uptown Cebu City kagahapon sa kaadlawon.

Naaktuhan sa mga sikyu ang bayot nga nag-um-om ug nagduwa-duwa sa kinatawo sa batan-ong lalake sa hagdanan sa usa ka bar sa Mango Avenue pasado alas 4 sa kaadlawon.

Way nakitang hubo nga hulagway sa laptop sa langyaw, nars

NAABLIHAN na ang laptop nga gipanag-iya ni Karen Esdrelon, usa sa mga suspek sa pagdagit ug pagpatay sa 6-anyos nga babayeng tinun-an sa Calajo-an Elementary School nga si Ellah Joy Pique.

Nahitabo kini sod sa conference room sa Cebu Provincial Police Office headquarters pasado alas 3 kagahapon sa hapon diin “closed-door” kini ug way sakop sa media nga gipatambong niini.

Castro mokuha unta sa nude photos gibalibaran sa Ombud

NIHANGYO si Cebu City Assistant Prosecutor Mary Ann Castro sa Office of the Ombudsman-Visayas nga gub-on ang mga ebidensya nga gilakip sa “anonymous letter” nga gipadala sa ilang buhatan mga lima ka tuig na ang nakalabay.

Berger giduaw sa consular official

GIDUAW sa kadagkuan sa Norwegian Consular Office kagahapon sa buntag si Sven Erik Berger sa Cebu Provincial Police Office (CPPO) isip kabahin sa ilang abag sa kasong giatubang niini.

4 anyos, dalaga patay sa bangga sa Balamban

KWATRO anyos nga batang lalake ug ang ang driver sa motorsiklo nangamatay samtang naangol ang inahan sa bata human sila mabangga sa ilang gikasugat nga tricycle sa miaging buntag sa Sitio Alang-Alang, Barangay Buanoy, lungsod sa Balamban, Sugbo.

Unang namatay si Nanylyn Paligsa, 24, dalaga, samtang nadala pa sa Vicente Sotto Memorial Medical Center (VSMMC) ang bata nga si Joshua Ravilla, apan ala una kagahapon sa hapon gipahibawo ang kapulisan nga namatay ang biktima.

Mga suspek mipirma’g waiver

MIPIRMA’G waiver of detention ang Norwegian national ug ang Pinay nga gipasakaa’g kasong kidnapping with homicide nunot sa pagdagit ug pagpatay sa 6-anyos nga batang tinun-an sa lungsod sa Minglanilla sa milabayng semana.

Kanhi presidente sa IBP gidakop

GIDAKOP sa mga kapulisan ang kanhing presidente sa Integrated Bar of the Philippines (IBP) Cebu City Chapter sa milabayng gabii sa dakbayan sa Sugbo.

Kini agi’g pagsanong sa giisyu nga warrant of arrest sa korte tungod sa giingong kalapasan sa kasong anti-graft nga iyang giatubang.