Nanulis, mipatay aron duna silay ikagasto

ARON adunay ika-gasto sa mga kalingawan sulod sa duha ka adlaw nga Kadaugan Street Party (KSP) sa dakbayan sa Lapu-Lapu, nanulis og taxi drayber ang duha ka mga batan-ong lalake nga nadakpan sa kapulisan.

Tungod sa ilang pagkasikop, nasulbad na ang kasong pagpanulis nga niresulta sa kamatayon sa taxi drayber sa Citi taxi nga si Jose Dindo Caberos, 44, taga-dalan Genes, Barangay Sawang Calero, dakba­yan sa Sugbo.

Bana naabtang may kadug, nanukmag, giluba sa asawa

INAY kuwarta ang itunol sa bana nga giapas sa asawa aron unta pangayoan og ipalit og tambal alang nagmasakit nilang anak, kumo maoy nahiaguman sa asawa hinungdan nga siya gibaslan og dunggab.

Samaran sa iyang tiyan si Frank (di tinuod niyang ngan), 33, minyo, taga Sityo Seaside, barangay Pajo, Lapu-Lapu human giunay og dunggab sa iyang misis nga 28-anyos.

10 mil mingsaksi

SA tinguha nga ilang masud-ong ang mga artista nga cast sa Kadaugan sa Mactan, bata ug tiguwang wa manumbaling sa kainit sa adlaw samtang natugsaw ang katunga sa ilang lawas sa dagat.

Milanat og tunga sa oras ang actual nga reenactment nga giapilan sa inilang mga artista nga sila si Polo Ravales, nagdala sa papel ni Datu Lapu-Lapu, Troy Montero sa papel ni Magellan samtang Yam Concepcion kang Reyna Bulakna.

Wa nay session

DI makapaabot ang publiko nga magtapok pagbalik ang mga konsehal sa dakbayan sa Sugbo alang sa pagpalabang og mga resolution ug ordinansa hangtod di matapos ang piniliay karong Mayo 13.

Si Bise Mayor Joy Augustus Young, presiding officer sa konseho, nagkanayon nga motutok una sila sa kampanya sanglit nag-anam na og kaduol ang adlaw sa piniliay.

Nag-atubang og kasong murder gipusil, kritikal

KRITIKAL ang kahimtang sa usa ka akusado sa kasong murder human gipusil sa wala mailhing tawo samtang nagtan-aw sa variety show alas 10:30 sa miaging gabii sa Sitio Cogon, Barangay Pob­lacion 1, dakbayan sa Carcar.

Si Mark Alinton, 19, ulitawo, taga Sitio Tugas Barangay Bolinawan, Carcar, talandugon ang kahimtang human naigo sa tuong dughan, diin ang bala nilapos sa buko-buko.

Driver nang-lock sa taxi, gipusil, kritikal

NAKIGBUGNO sa kamatayon ang taxi drayber nga gitulis dayon gipusil sa duha ka mga batan-on nga na-trap sulod sa iyang taxi unit kay iyang gigamit ang automatic door lock.

Tungod sa kasuko sa usa sa mga tulisan sa iyang gibuhat, gipusil siya tumong sa ulo.

EQ commercial tangtangon na

MIDAUG ang Lapu-Lapu City sa ilang panawagan sa pagpatangtang sa advertisement sa diaper nga migamit sa eksena sa makasaysayanong Kadaugan sa Mactan.

Ang JS Unitrade niluwat na sa ilang opisyal nga pamahayag nga gi-post sa ilang official website nga nagkanayon nga ilang gitahod ang opinyon nga gipaabot sa kadagkuan sa dakbayan sa Lapu-Lapu batok sa ilang EQ Plus baby diaper TV commercial.

CCTV nagpakitang Ducayag gidala og customer intelligence

NAGTINGUHANG mopasakag kaso ang kabanay ni Mario Alfie Ducayag, kinsa namatay sud sa Metro Gaisano human giimbestigar sa mga security personnel, batok kang PNP Medico Legal Officer Nestor Sator tungod sa pagpagawas sa giingong sayop nga autopsy report.

Paghawan sa nasunogan sa Bato, Ermita nadayon

BISAN sa pagsupak sa pipila ka mga residente, nahinayon ra gihapon ang paghawan sa nangahabiling mga estruktura sa sityo Bato, barangay Ermita, dakbayan sa Sugbo kagahapon sa hapon.

Gituyo ang clearing operation isip unang lakang sa ipatuman nga re-blocking sa dapit aron malikayan ang subling pagkasunog sa lugar.

P1.2 B nga balor sa bugas gi-smuggle

MOKABAT sa P1.2 bilyunes nga balor sa sinakong bugas humay nga gisulod sa cargo containers ang gisusi sa mga opisyal sa Bureau of Customs.

Ang mao nga kargamento maoy labing dako nga pinayuhot sukad niadtong 2003.

Warning sa fake nga kuwarta sa eleksyon

KARONG nga nagka­duol na ang eleksyon sa Mayo 13, usa ka police official nakadawat og taho kalabot sa peke nga mga kwarta nga gipakatap.

Si Supt. Pablo Labra II, pangu sa Regional In­tel­ligence Division sa Police Regional Office (PRO) 7, niingon nga ila pang gisusi ang kabalido sa taho.

Cashier sa lotto outlet gitulis dihang halin ihatod na unta

CASHIER sa lotto outlet igo na lang sa paghilak sa iyang pagda­ngop sa kapulisan human siya gitulis sa kaubang pasahero ug nadala ang cash sa miaging hapon sa Upalan Barangay, Poblacion, dakbayan sa Danao.

Si Mariecris Menchavez, 17, 2nd year college, taga Barangay Flores, nakuhaan og P16,000 nga kita sa iyang gitrabahoan.

Mga sikyu, agency ipasusi

GIMANDO na ni PNP Regional Director Chief Supt. Marcelo Garbo ang pagpahigayon og imbestigasyon sa kama­tayon ni Mario Alfie Ducayag, kinsa giingong namatay sa pagpangulata sa mga sikyu sa Gaisano Metro Colon.

Si Garbo niingon nga gimando-an niya si Supt. Rex Derilo, hepe sa Security Agency and Guard Section, diin ubos sa buhatan ang mga gwardiya.

P56 mil sa treasurer sa Lapu gikawat

COLLECTION sa buhatan sa city trea­surer sa Lapu-Lapu City Hall naha­naw sayo ning semanaha.

Kawatan giingong nagpaka aron-ing­non nga molukat og cedula hinungdan nga nakasulod sa buhatan.

Autopsy report lahi; opisyal ikiha sa pamilya

NAGTINGUHANG mopasakag kaso ang kabanay ni Mario Alfie Ducayag, kinsa namatay sud sa Metro Gaisano human giimbestigar sa mga security personnel, batok kang PNP Medico Legal Officer Nestor Sator tungod sa pagpagawas sa giingong sayop nga autopsy report.

Samtang, ang mga opisyal sa Metro Gaisano nipasalig nga andam silang motabang sa gipahigayon karong imbestigasyon sa National Bureau of Investigation (NBI) 7 kansang buhatan ilang gibisita kagahapon sa hapon.

Drug queen nasikop? Opisyal mihimakak

TEXT messages kalabot sa pagkasikop sa giingong drug queen ug pagkasakmit sa usa ka kilong shabu apan giingong giareglo mikatap.

Apan ang Regional Anti-Illegal Drugs Special Ope­rations Task Group (RAIDSOTG-7) nanghimakak sa text messages nga mikatap.

Gipusil patay sa mipailang NBI

GIDUDAHANG drug pusher namatay human gi­pusil makadaghan sa tu­lo ka mga lalakeng nagpailang National Bureau of Investigation (NBI) agents niadtong Martes sa alas 8:30 sa gabii sa Sitio Cogon, Barangay Poblacion lungsud sa Lilo-an.

Tungod sa insidente, si NBI-7 Director Antonio Pagatpat mopadala og mga sakop sa Liloan aron mosusi sa hitabo.

Vendors ibalik sa merkado human sa eleksyon

GIKWESTYON sa mga vendor sa Lagtang Public Market sa Barangay Lagtang dakbayan sa Talisay si Kongresista Eduardo Gullas kon diin siya dihang gipalayas sila gikan sa Tabunok Public Market.

Kinabag-an kanila gusto nga mobalik sa karaan nga merkado, apan si Gullas nipasabot nga di kini madali.

LP sa Lapu-Lapu magkinihaay

NANGANTI nga magkinihaay ang na­bungkag nga grupo sa Partido Liberal sa dakbayan sa Lapu-Lapu nga gipangulohan sa pundok ni mayoralty aspirant Efrain Pelaez Jr. tali sa grupo ni congressional candidate Angel Rodriguez.

Nasunogan sa Ermita gipanghatagan na og P10T kada pamilya

KON unsa ka paspas ang sunog sa sityo Bato, Barangay Ermita ingon niana sab kapaspas ang pag-release sa financial assistance gikan sa Cebu City Go­vernment.

P200 mil ganti sa makasikop sa killer

NAGTANYAG si Mayor Hermenigildo Betonio sa Pio V. Corpus, Masbate og P200,000 alang sa pagkasikop sa tawo nga nipatay sa iyang live-in partner sa V. Sotto st., Siyudad sa Sugbo niadtong Abril 15.

56-anyos nga kanhi nars namatay sa sunog; edipisyo sa Liloan naugdaw

PARALISADONG kanhi nurse namatay human ma-trap sa iyang balay nga nasunog nasunog samtang siya natulog kagahapon sa alas 3:35 sa hapon sa Nitrogen Street, Block 7, lot 9, Deca Homes sa Barangay Tungkil, Minglanilla.

Ang lawas ni Estrella Panuncia, 56, nasunog sa dihang naugkat na sa mga bombero sa Min­glanilla.

Mike wa motuo sa survey sa USC

“THERE is no fight. There is no such thing as tight. And that is why I said no match, Tomas.”

Mao ni ang reaksyon ni Mayor Michael Rama kabahin sa gihimong independent survey sa Center for Governance, Leadership and Development of the Political Science Department sa University of San Carlos (USC) diin sikit ang ilang panagribal ni Kongresista Tomas Osmeña sa pagkamayor sa dakbayan sa Sugbo karong umaabot nga eleksyon.

Cadungog mihimakak nga miduaw ni Tom

GIPASANGINLAN si kanhi Cebu City south district election officer Edwin Cadungog nga nibisita sa balay ni Kongresista Tomas Osmeña sa barangay Guadalupe niadtong Dominggo.

Apan kini hugtanong gihimakak sa kasamtangang election officer sa dakbayan sa Mandaue sanglit didto siya sa Ginatilan uban ang iyang pamilya niadtong Biyernes hangtod sa Lunes.

Basil: Nino Muhlach dapat suhiron sa mga childstar

MANILA- For  the record, si Nino Muhlach ang pinakabatang milyunaryo,  at age 5 milyunaryo na si Nino tungod kay sunud-sunod ang iyang mga pelikula kanhi,  puros blockbuster.

Lola giunay’g tulis sa 3 ka apo, patay

GIUNAY og tulis-patay ang 82-anyos sa iyang tulo ka mga apo sulod sa iyang balay niadtong Sabado sa alas 8:30 sa gabii sa bukirang dapit sa Sitio Buli, Barangay Cansomoroy, lungsod sa Balamban.

Si Luisa Lapuerta, 82, biyuda, namatay human wala makaagwata sa samad dinunggaban og kutsilyo ang iyang walang dughan.

Druglord napusilan sa itlog

NAPUSGAY ang itlog sa giduda­hang druglord sa Tuba, lungsod sa Dalaguete human nakigpinusilay sa kapulisan atol sa ronda niadtong Dominggo sa kaadlawon apan na­kaipsot.

Ug ala 1:00 kagahapon sa hapon, ang suspek nasikop sulod sa Cebu City Medical Center (CCMC).

EQ ad ipatangang

NIMANDO ang Advertising Board of the Philippines nga ipatangtang ang EQ diapers commercial nga nagpakita sa panag-away nilang Datu Lapu-Lapu ug Ferdinand Magellan diin gipagawas sa mga nagkadaiyang local nga telebisyon.

2 gipusil, 1 patay

MANAGHIGALA gipamusil sa nagsakay sa motorsiklo, usa ang patay ug laing usa angol niadtong Dominggo sa alas 2:00 sa hapon sa San Antonio, Barangay Guinsay, dakbayan sa Danao.

Patay si Estepthen Tampus, 25, ulitawo walay trabaho ug nagpuyo sa dapit, naigo sa bukobuko, ulo ug liog. Naangol mao si Christian Perez, 24, ulitawo ug nagpuyo sa samang dapit.

Kapuyo gikulata human wa moduwa sa kinatawo?

GIKIHA ang usa ka pulis nga nadistino sa administration branch sa Cebu City Police Office (CCPO) sa iyang kapuyo tungod sa giingong pagdagmal human wa kini moduwa sa iyang kinatawo.