LP, One Cebu, Soco molusad sa ilang kampanya

HAN-AY na ang nagkadaiyang mga kalihukan sa lokal nga mga kandidato sa umaabot nga piniliay sa Mayo sa pagsugod sa campaign period.

Sa Marso 29, magsugod ang local campaign period apan tungod kay naatol kini sa adlawng Biyernes Santo, giuswag sa Commission on Elections ang pagpangampanya sa mga kandidato sa Marso 30.

Gipusil sa armas nga ang bala ‘jolin’

SAMDAN sa iyang tangkugo ang mamaligya­ay og prutas sa Barangay Cogon Pardo, dakbayan sa Sugbo sa miaging gabii.

Apan ang gigamit sa pagpusil sa wala mail­hing tawo mao ang improvised nga armas diin ang gibala jolin lang.

Paolo Garcia mitahan sa CPPO sa iyang 5 ka armas

LIMA ka taa nga kalibre sa armas ang gitahan ni Paolo Garcia alang sa kustodiya sa Cebu Provincial Police Office (CPPO) human gipahibalo ni PNP Regional Director Marcelo Garbo na gipang-revoke na ang mga lisensya sa armas sa anak ni suspended Gob. Gwen Garcia.

NBI moimbestigar sa pinusilay sa 2 ka pulis nga pulos namatay

DUNAY foul play?

Ang resulta sa autopsy sa lawas sa uha ka mga pulis nga namatay sa pinulisay posible nga dunay foul play, matod sa medico-legal officer nga si Dr. Nestor Sator.

Kuwang og mga bus sa Semana Santa

GIANGKON sa Land Transportation Franchising and Regulatory Board (LTFRB) sa Central Visayas nga magkuwang gyud og mga bus sa pagsugwak unya sa mga pasahero nga mamauli sa ilang tagsa-tagsa ka dapit pag-obserbar sa Semana Santa sugod ugma.

‘Takas sa Talisay’ ipahigayon karon

NIHATAG ang kagamhanan sa lalawigan sa Sugbo og P100,000 nga tabang pinansiyal sa lokal nga kagamhanan sa siyudad sa Talisay alang sa pagsaulog sa ika-68th “Takas sa Talisay” karong adlawa.

Kini human ang konseho sa dakbayan nipalabang og resolusyon nga nangayo og P500,000 nga pondo isip hinabang sa pagpangandam sa maong dakong kalihukan.

Pulis nag-unay, 2 parehong patay

MANAG-AGAW’NG pulis pulos patay human sila magkapinusilay dihang nagkalalis atol sa ilang panag-inom niadtong Sabado sa alas 6:00 sa gabii sa Sitio EYHA-Englis, Barangay Guadalupe, dakbayan sa Sugbo.

Si PO1 Anthony La­puz Gonzales, 29, dunay kapuyo ug taga Sitio Kamangahan, Guadalupe sakop sa Siquijor Provincial Police Office (SPPO) gideklarar nga dead-on-arrival (DOA) human nakaangkog samad sa iyang walang dughan.

Korte Suprema posible nga maimpluwensya

WA gisalikway ni Cebu Archbishop Jose Palma ang kabalaka sa posibilidad nga ma­implu­wensiyahan sa Ma­la­ca­ñang ang mga mahis­tra­do sa Korte Suprema hu­man kini niluwat og sta­tus quo ante order nga nag­pugong sa pagpatuman sa Reproductive Health­ Law sud sa 120 ka adlaw.

Bigtime pusher patay sa shootout

USA ka sakop sa bangiitang grupo nga gun-for-hire ug dakong drug pusher ang patay sa pinusilay tali sa kapulisan niadtong Sabado sa alas 9:30 sa gabii sa Sitio Aroma, Barangay Subangdaku, dakbayan sa Mandaue.

Si Gerondio Lantacsi, kinsa naila sab sa pangalang si Jerry Danglag, patay human nakigsinukliay’g bala sa mga sakop sa Provincial Intelligence Branch (PIB) sa Cebu Provincial Police Office (CPPO).

Bargayo nanguwarta sa pagpalansang?

NASAGMUYO si Gilbert Bargayo, 53, taga Sityo Cogon, Barangay Pob­lacion I, dakbayan sa Carcar bahin sa pagsaway sa uban nga nanguwarta siya sa iyang pagpalansang.

“Lain kaayo nang ilang pasangil nako,” matod ni Bargayo.

Palma miawhag sa tinuorayng pag-oberbar sa Semana Santa

ANG tinuoray nga kahulugan sa pag-obserbar sa Semana Santa mao ang paghatag og kamahinungdanon sa dakong gugma sa Dios ug pagsalmot sa mga kalihukan sa simbahang Katoliko.

Dalagita nakaikyas

USA ka dalagita nga bag-o lang nigradwar sa high school nakaling­kawas sa mga kamot sa iyang uyo­an nga nidagit kaniya niadtong alas 8:00 sa gabii sa Sitio Cogon Barangay Catarman lungsod sa Liloan.

Si Anna (tinuod ngan gipug­ngan), 17, taga Sitio Tiwasan, Barangay Catarman, sa nahisgutang lungsod, nakalingkawas sa posibling niluog nga krimen nga himuon sa iyang uyoan nga si Junie Formentera, hingkod ang panuigon ug drayber sa habalhabal.

Pahimangno ni Palma alang sa Semana Santa

GIPAHINUMDOMAN ni Cebu Archbishop Jose Palma ang katawhan nga mamalandong ug mag-ampo ug moapil sa mga relihiyusong kalihukan sa simbahang Katoliko panahon sa Semana Santa.

Karong adlawa, Dominggo sa Bendita Lukay o Palm Sunday maoy magbukas sa Holy Week o ang balaan nga mga adlaw sa pagtimaan sa sakripisyo, pag-antos, pagkamatay ug pagkabanhaw ni Hesukristo.

Gimilagrohan ni San Calungsod mipili sa pribado nga kinabuhi

BABAYE nga gimi­lagrohan pinaagi sa panabang ni San Pedro Calungsod nagpabilin nga deboto ug nipili nga magpuyo sa pribadong kinabuhi inay mogawas sa publiko.

Si Msgr. Ildebrando Leyson, vice postulator sa pagka santos ni Calungsod nibutyag nga ang babaye nga nagsul-ob og puwa nga sinena niduaw sa shrine pila ka adlaw ang nakalabay ug ni­tambong sa mga kalihukan alang sa kapistahan sa Bisaya nga santos.

Bulhog 3rd placer sa massage therapy examination sa DOH

“KAKULIAN sa panglawas dili babag aron makab-ot ang kalampusan sa kinabuhi.”

Mao kini ang pagtuo ni Olymer Adiva, 25, kinsa napagngan og kahayag apan ning bag-o lang nikulit og kasaysayan sa Department of Social Welfare and Development (DSWD) sa Central Visayas.

Tag-iya sa tents dili na interesado mokiha ni Magpale

DILI na interesado ang tag-iya sa mga tent nga mokiha batok ni Acting Governor Agnes Magpale ug pipila ka mga opisyal sa Police Regional Office (PRO) 7 nga gireklamo og pagpangawat sa anak ni suspen­ded Governor Gwen Garcia nga si Paulo Garcia III.

Si Oscar de la Calzada, tag-iya sa tulo ka mga tent nga gisakmit sa kapulisan dihang nag-vigil ang mga dumadapig ni Garcia niadtong Disyembre 19 sa nia­ging tuig, nipirma na og acknowledgment receipt, quit claim and receipt pagmatuod nga dili na siya mokiha.

Ginang nag-jogging, gidunggab, patay

NAMATAY ang usa ka inahan nga dunay upat ka mga anak human siya dunggaba sa makadaghan sa usa ka lalakeng gituohang dunay deperensya sa pangisip.

Ang suspek nga giimbestigar sa kapulisan igo lang niingon nga siya “gisul-an sa nerbyus” dihang iyang giatake ang biktimang si Jane Villaflor Aguilos, 40, taga Basak San Nicolas, dakbayan sa Sugbo kagahapon sa alas 7 sa buntag.

Gilunggoan og ulo aron di na makapiyait?

ULO sa habal-habal driver napalgang gilubong duha ka kilometro ang gilay-on gikan sa gilubngan sa iyang lawas kagahapon sa alas 6 sa buntag sa hilit nga lugar sa Barangay Tulo-tulo, Consolacion.

Si Ramil Apa, 39, minyo, taga Brgy. Guba, dakbayan sa Sugbo, giila sa iyang asawa nga si Yolanda pinaagi sa iyang gisul-ob nga sinina ingon man karsones ug underwear.

Casiño miduaw sa buhatan; miasoy sa iyang kasinatian

MAY mga tawo nga nitaliwan na nga nipakita kang Cebu City Assistant Prosecutor Maria Teresa Casiño dihang nag-ungaw siya sa kamatayon human gipusil siya sa retiradong Canadian journalist duha ka buwan ang nakalabay.

Bata nga nanakop og kabog nahulog sa langob, namatay

NAMATAY ang usa ka 16-anyos nga nanakop sa mga kabog dihang nahagbong sa lungag sa langob nga dunay gilawmong mga 90 ngadto sa 100 meters kagahapon sa alas 5:00 sa buntag sa boundary sa Barangay Cantuba-on ug Barangay Canluhangon, Tabuelan, Sugbo.

Si Bryan Ere naugkat nang patay sa mga bombero sa dakbayan sa Danao ug Tabuelan gikan sa Himaroto Cave mga alas 3:45 sa hapon kagahapon.

Sitwasyon sa tubig sa Lapu kritikal: MCWD

BANTAYAN na sa Metropolitan Cebu Water District (MCWD) kadtong ma­ngubkob og deep well sa bisan asang dapit sa dakbayan sa Lapu-Lapu.

“Kritikal ang sitwas­yon sa tubig diri (Lapu-Lapu), mao na kinahanglan atong i-monitor and i-regulate (pagpangubkob),” matod ni MCWD ge­neral manager Engr. Ar­mando Paredes atol sa handwashing activity sa Ibo Elementary School.

4 nangamatay sa pinusilay

GITUOHAN sa kapulisan sa rehiyon ug Sugbo nga napiangan ang mga grupo sa mga kriminal human nila mapatay ang upat ka armadong mga tawo sa ilang du­ngan nga raid sa Consolacion, Sugbo kagahapon sa buntag.

Ang upat giingong ningsukol sa kapulisan hinungdan nga sila napusilan ug gideklarar nga dead-on-arrival sa gidad-an nilang tambalanan.

Sandigan nimando pagdakop kang Gwen

NIMANDO ang Sandiganbayan nga dakpon si suspended Cebu Governor Gwen Garcia human wa motunga sa gitakda nga arraignment kagahapon sa hapon sa kasong graft.

Si Garcia nga gisuspenso og unom ka buwan sukad atong Dis­yembre tungod sa abuse of authority, nag-atubang og graft case may kalambigitan sa pagpalit sa kagamhanan sa lalawigan sa Sugbo sa kontrobersiyal nga Balili property sa Barangay Tinaan, dakbayan sa Sugbo nga nagkantidad og P98.8 milyones.

Habalhabal driver gipusil, patay

USA ka drayber sa habalhabal ang gipusil-patay human gipauwana’g bala sa duha ka mamumuno nga nagsakay sa motorsiklo sa miaging ka­adlawon sa Barangay Cogon, lungsod sa Dumanjug.

Si Noel Gabotero, 30, minyo ug taga Barangay Candabong, Dumanjog namatay human makaangko’g samad pinusilan sa iyang luyong bahin sa lawas ug ulo.

Panghinaut ni Magpale sa kaayohan ni Boboy

BISAN og mag-atbang sila sa pagpapili pagka bise gobernador sa umaabot nga piniliay, si Acting Governor Agnes Magpale nag-ampo alang sa dinalian nga kaayohan ni kanhi Danao City Vice Mayor Ramon “Boboy” Durano IV.

Si Durano nahilandig sa Cebu Doctor’s Hospital sa dakbayan sa Sugbo sugod niadtong Dominggo tungod sa giingong dehydration.

Trapik sa Fernan bridge miabot sa MEZ I

MIABOT ang linya sa mga motorista ngadto sa MEZ 1 sa barangay Pusok, Lapu-Lapu nga nag ung-ong sa tiilan sa Marcelo Fernan Bridge niadtong miaging gabii.

Tungod niini mimando gilayon ang hepe sa Lapu-Lapu City Traffic Management System, Frank Brazil sa pagpa-divert sa mga four wheel light vehicles ngadto sa unang taytayan nga mopaingon sa Mandaue City.

2-anyos napusilan sa pinusilay sa drivers

DOS anyos nga batang lalake napusilan dihang nagpinusilay ang duha ka mga traysikol drayber gumikan sa pag-inilogay og pasahero niadtong Martes sa buntag.Ang duha ka mga suspek nailhan na sa dihang giila sa laing kaubang traysikol drayber nga nakasaksi sa maong hitabo.

Nahitabo kini taliwa sa pagpatuman sa Commission on Elections (Comelec) gun ban samtang nag-angat ang eleksyon sa Mayo.

Masuso lakip sa angol sa pagkatumba sa motor nga naigo

USA ka pamilyahan nga luwan sa motorsiklo, lakip na sa usa ka masuso, nalamba sa karsada human nasaghiran sa armored car.

Atol niining pagsuwat, padayon nga giatiman sa mga mananambal sa ospital ang mga biktima nga sila si Dino Etcobanez, 32, drayber sa Honda XRM, lakip na ang iyang inahan nga si Remedios, 64, ug duha niys ka anak nga mga babaye nga sila si Hannah Yvonne, 5 ug Mikaela Sofia, walo pa ka buwan, taga Sityo Ibabao-barangay Basak, Lapu-Lapu City.

Dalaga nga mipalit sa tindahan naigo sa saag nga bala

DALAGA nga nagpalit og tubig sulod sa kan-anan nga iya sa usa ka police official naigo sa saag nga bala mga alas 8 sa miaging gabii dihang usa sa tulo ka mga batan-ong lalake nagpasalba.

Ang biktimang nidangat sa tambalanan human matapsingi sa bala ang ulo giilang mao si Florabelle Beduya, 25, usa ka office secretary, lumad nga taga Pogalo, lungsod sa Alcoy, nag-abang og lawak sa dapit.

Ambulansya nakaigo

TRAYSIKOL nadasmagan sa ambulansiya hinungdan sa pagkaangol sa duha ka mga pasahero, lakip na ang 4-anyos nga bata ng babaye, sa miaging buntag sa national highway sa Barangay Guiwanon, lungsod sa Barili.