Pacquiao nagtuo nga madayon ang away
-A A +ASunday, January 8, 2012
NALIPAY si pound-for-pound champion Manny Pacquiao nga giuswag ang sentensya ni American Floyd Mayweather Jr. aron hatagan kini’g kahigayunan nga makaaway karong Mayo 5.
Sa interbyu sa www.fightnews.com, nagkanayon si Pacquiao nga nanghinaot siya nga magkaharong na gyud sila ni Mayweather ning petsaha.
Ang pagkauswag sa sentensya ni Mayweather karong Hunyo 1 seguradong nakapalubog sa mga plano ni Top Rank boss Bob Arum, promoter ni Pacquiao.
Si Pacquiao miuyon na sa mga gusto ni Mayweather nga Olympic style drug testing ug mas ubos nga premyo aron lang gyud madayon ang ilang away.
“We’ll see if we can agree,” batbat ni Pacquiao.
Sukwahi sa mga gikataho, giklaro ni Arum nga sa iyang pagbisita kang Pacquiao, hayan iya gyung ilakip si Mayweather sa pilianan nga kontra alang sa fighting congressman.
“Absolutely not. Nope,” tubag ni Arum sa pangutana kon tinuod ba ang taho nga wala siya’y interes kang Mayweather.
Gipatik sa mantalaang SuperBalita Cebu Enero 09, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
