Petron, Powerade mosud sa finals

Saturday, January 14, 2012

Mga duwa karon
4:15 p.m. – Talk ‘N Text batok Petron (Game 6)
6:30 p.m. — Rain or Shine batok Powerade (Game 6)

SUWAYAN paglangkat sa Petron Blaze Boosters ug Powerade Tigers ang duha ka mga puwesto sa finals sa ilang pagpakigbatok og balik sa ilang tagsatagsa ka kontra sugod karong hapon sa Game 6 sa best-of-seven semi finals sa 37th Philippine Basketball Association (PBA) Philippine Cup sa Araneta Coliseum.

Have something to report? Tell us in text, photos or videos.

Ang Blaze Boosters makigsangka sa defending champion Talk N’ Text Tropang Texters sa premirong duwa samtang ang Tigers makigharong sa Rain or Shine Elasto Painters sa main game.

Ang Blaze Boosters ug Tigers pulos naggunit 3-2 nga bintaha sa series.

Niadtong Biyernes, ang Blaze Boosters mosuway na unta pagtiklop sa series apan gipakyas sila sa Tropang Texters, nga kutas nga midaog sa Game 5, 93-91.

Sa maong adlaw, munasginhawa sab nga midaog ang Tigers batok sa Painters, 110-108, aron buakon ang ilang panagtabla sa series ug angkunon ang bintaha niini.

“We have lapses in game 5. Even if we are still ahead, but we don’t want a rubber match. We have to win on Sunday,” batbat ni Blaze Boosters coach Ato Agustin.