Batigue gi-TKO ni Pagara
-A A +AMonday, January 16, 2012
KADUHA gitumba ni “Prince” Albert Pagara sa ALA gym ang beteranong si Lowie Bantigue sa iyang pagposte og 3rd round TKO nga kadaugan sa miaging gabii sa main event sa ALA Cobra “Tunay na Lakas” Sinulog boxing promotion sa Gaisano Country Mall parking area.
Gitumba ni Pagara si Bantigue sa 1st round ug 2nd round unya gihuman niya’g sayo ang iyang tahas sa 3rd round pinaagi sa pagkulata gyud og maayo kang Bantigue.
Niadtong higayuna, nagbaragbarag na gyud si Bantigue hangtod nga giundang na lang ni referee Teddy Alivio ang away sa ika-25 segundos sa round.
Si Pagara pabiling wala’y pilde sulod sa 10 ka mga away nga gibuwakan og walo ka knockouts samtang si Bantigue natagak sa 21-16-7, 12KOs nga rekord.
Sa undercard, gileksyon ni Welbert Loberanis si Jonathan Ricablanca sa iyang pagkulit og unanimous decision nga kadaugan.
Mitali sa og unanimous decision nga kadaugan si Melvin Gumban batok kang Joash Apericio.
Si Roma Rate mipaundang kang Rowel Garcia human sa 2nd round. Si Garcia nakadesider nga dili na mopadayon sa 3rd round gumikan sa grabeng bun-og nga iyang naangkon sa nag-unang duha ka rounds.
Sa laing mga away, mingdaog sila si Mark Vincent Bernaldez batok Royroy Sumugat (TKO 5), Juren Labordo batok Taos Basar (TKO 1), ug Rey Morales batok Renante Suacasa (UD).
Gipatik sa mantalaang SuperBalita Cebu Enero 17, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
