Boosters giusban sa Texters sa G#6

Monday, January 16, 2012

MIPABUTO og tres si Larry Fonacier sa katapusang 1:09 segundos ang nahabilin, ug midugang si Jimmy Alapag og duha ka free throws sa himatyong segundos ug ang Talk ‘N Text mipatapsing sa Petron Blaze Boosters, 111-108, sa Game 6 sa 37th PBA Philippine Cup best-of-seven semifinals sa Araneta Coliseum.

Si Alapag mipakatap og 29 puntos, perpekto sa iyang napulo ka free throws, ug adunay 10 ka assists aron pangulohan ang Texters nga mahatod ngadto sa Game 7 ang series. Ang deciding Game 7 duwaon karong Miyerkules.

Have something to report? Tell us in text, photos or videos.

“Well, I wish we could celebrate now but there is still one game to win. Today we focused on outworking them. Hope we could find the same energy and desire in the next game. Our objective now is to be ready on Wednesday,” matod ni TNT coach Chot Reyes.

“We are going through this fighting with our lives. It’s important that our offense gets back on track. Jimmy (Alapag) is a big game player, he came out being aggressive looking to score from the start until the end of the game,” dugang ni Reyes.

Gumikan sa kapildihan, motapon na karon ang pressure ngadto sa Boosters kinsa sa sayo pa nakaposte og 3-1 nga bintaha sa series apan napukan sa ilang uwahing duha ka duwa aron tablahon, 3-3 ang serya.

“We are going down to game 7. For all the marbles, we are raring to go and hopefully we have save our best for Wednesday. It’s a day to day thing,” panapos ni Reyes.

Way paglubad nga nakigkombati ang Petron gikan sa sinugdanan sa duwa ug ang ika-12 ug katapusang panagtabla sa score niadtong 99-99 human sa duha ka free throw shots ni Ranidel de Ocampo.
Mga puntos:

Talk N’ Text (111) - Alapag 29, De Ocampo 23, Fonacier 15, Peek 12, Castro 11, Gamalinda 5, Aguilar 5, Dillinger 5, Carey 4, Williams 2, Alvarez 0.

Petron (108) - Santos 20, Cabagnot 18, Lutz 16, Ildefonso 16, Miranda 14, Tugade 10, Yeo 8, Reyes 6. Quarters: 25-23, 47-44, 79-74, 111-108 (Frank Calapre)