Ala, Top Rank ug MP magkumboya?
-A A +AThursday, January 19, 2012
TINGUHA karon sa Ala Promotions, ang pinakadakong boxing promotional outfit sa Pilipinas, nga makigpartner sa laing higanting promotional company sa Amerika nga mao ang Top Rank ni Bob Arum ug inogn man ang MP Promotions ni boxing icon Manny Pacquiao.
Ning bag-ohay lang, ang presidente sa Ala Promotions nga si Michael Aldeguer nakighimamat ni Arum ug sa adviser ni Pacquiao nga si Michael Koncz niadtong Enero 10 didto sa Makati Shangrila ug nahisgutan ang posibling pagkumboya sa tulo ka boxing promotion companies aron mo-promote og mga away dinhi sa nasod ug ingon man gawas sa nasod.
“It was an official meeting but until we sign contracts nothing is official yet as of the moment. It would definitely have a great impact to the sport of boxing in the Philippines and for the Filipino fans all over the world. If you think about Top Rank, the biggest promoter in the world, and having ALA and MP (Promotions) work together would be huge for Philippine boxing. We would definitely want to work with Top Rank and are open to working with Manny Pacquiao and Mike Koncz at MP,” matod ni Aldeguer sa dihang gikahinabi sa Sun.Star Cebu kagahapon.
Ang diskusyon sa tulo ka kampo ang sentro sa pagpromote og away sa Pilipinas ugsa US dii ang mga fighters ubos sa ALA Promotions makaaway usab sa undercard sa Top Rank promotions sa US.
“It will go both ways. ALA fighters fighting in the US together with Top Rank, and ALA Promotions co-promoting with Top Rank in the Philippines,” nagkanayon ang batan-ong Cebuano promoter.
Gibutyag ni Aldeguer nga interesado usab si Arum nga mopaaway sa duha ka mga Ala fighters nga sil asi Milan Melindo ug AJ Banal sa US. gikan ni EKA sa Sun.Star Cebu
Gipatik sa mantalaang SuperBalita Cebu Enero 20, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
