Cotto di mosukol ni Pacquiao sa 147 lbs. nga timbang

ANG boxing star sa Puerto Rico nga si Miguel Cotto dili moaway ni Filipino boxing icon Manny “Pacman” Pacquiao kon sa timbang nga 147 lbs. sila mag-abot.

Sa interview sa Boxing Scene, giklaro ni Cotto nga di niya isakripisyo og usab ang iyang lawas aron moaway ni Pacquiao.

Niadtong 2009 si Cotto gi-knockout ni Pacquiao sa ika-12 nga round sa 145 lbs. nga maoy ilang catchweight.

Bisan tuod og maayo pa kaayong nakakombati si Cotto sa unang upat ka rounds niadtong higayona apan nalupig siya sa lahutay.

Sukad niadto, misaka sa iyang timbang ngadto sa junior middleweight division si Cotto kinsa mao na karon ang kampiyon sa World Boxing Association.

Iyang gipasabot nga kon gusto’g rematch si Pacquiao, kinahanglan adto kini sa timbang diin siya komportable.

“He had no problems dealing with Antonio Margarito at 150. He hasn’t had problems with anyone regarding weight,” matod ni Cotto.

“With Joshua Clottey, they fought at 147. I drove down to 145. The rematch, I’m going to do it at my weight. I will not sacrifice my body again for the benefit of another boxer,” dugang ni Cotto. “It won’t happen at 147-pounds.”

Si Pacquiao wala na makaaway sa 147 lbs. sukad sa iyang unanimous decision batok ni Margarito.

Hinuon ang kampo ni Cotto padayon pang nakig-negotiate sa promoter ni Pacquiao nga si Bob Arum ug nanghinaot nga magkasinabot na sila sa sunod semana.

“We are waiting for the offer to come and dedicate ourselves to train and win. In the next two weeks, we hope to have a response on the whole thing,” padayag ni Cotto.