Pistons gipildi sa free throws ni James

BISAN pa man og nakapusta ang kadaugan sa iyang team, apan si LeBron James kalmado kaayo nga miitsa sa iyang mga free throws.

Ang Miami star mipasulod sa iyang unom ka sunodsunod nga free throws sa nahabiling 1:19 seconds, aron aswaton ang Heat ngadto sa 101-98 nga daog batok sa Detroit Pistons kagahapon.

Mitapos si James sa duwa nga may 32 puntos, ug ang Miami nakabawi sa napapas nilang 10 puntos sa fourth quarter.

“We’ve got to close out games,” James said. “We know we’re going to get the best shot from everybody. To be able to be down late in the game and then come back and win, it was good stuff for us.”

Naapsan ang Heat, 98-95, human sa 3-pointer ni Jonas Jerebko sa Detroit, apan ang duha ka free throws ni James maoy nagtapwas sa labaw sa kontra, 98-97, 1:19 ang nahabilin.

Nakakuha na usab og laing duha ka free throws si James sa dihang nilusot na usab kini huma nakakomiter og error si Damien Wilkins sa Detroit aron bakwion ang labaw, 99-98.

“I’ve just got to go up and make them,” nagkanayon si James. “When you get the opportunity, you go up and make them, and then you live with the results.”

Si Chris Bosh nga way sipyat sa iyang unang pito ka itsa midunol og 27 puntos alang sa Miami kinsa miduwa nga wa gihapon si Dwyane Wade tungod sa injury sa iyang tuo nga tikod. Samtang, gipukan sa Los Angeles Lakers ang L.A. Clippers, 96-91.

Ang Indiana Pacers maoy unang visiting team nga midaog sa Chicago sa karon nga season aron patapsingan ang Chicago Bulls, 95-90, gipatugpa usab sa San Antonio Spurs ang Hawks, 105-83.

Gitipi sa Timberwolves ang defending champion Mavericks, 105-90, ug gilupig usab sa Nuggets ang Kings, 122-93.

Gibaling sa Nets ang 76ers, 97-90, ug midaog usab ang Oklahoma Thunder ang Hornets, 101-91. Gibungkag usab sa Bucks ang Rockets, 105-99, samtang gipatugbabawan sa Warriors ang Trail Blazers, 101-93.

Gipakuratsa usab sa Raptors ang Jazz sa overtime, 111-106, ug gipakaging sa Cavaliers ang Knicks, 91-81, samtang gisubhan ug kadaugan ang bag-ong coach sa Washington Wizards nga si Randy Wittman pinaagi sa paglubong sa Bobcats, 92-75.