Mosuway na sab

Saturday, January 28, 2012

Duwa karon:
6:00 p.m. – Powerade
batok Talk ‘N Text (Game 5)

HUMAN nasanta sa miaging gabii, ang defending champion Talk N’ Text Tropang Texters mosuway na sab paglabni sa korona sa ilang pagpakigharong og balik sa Powerade Tigers karong gabii sa Game 5 sa best-of-seven titular series sa 37th PBA Philippine Cup sa Araneta Coliseum.

Have something to report? Tell us in text, photos or videos.

Nagkanayon si Tropang Texters coach Chot Reyes nga ning higayuna, kinahanglang wala na gyud sila’y sayop nga mahimo ug mahingpit na nila ang pagdepensa sa korona.

Niadtong Biyernes sa Game 4, ang Tigers nakakita pa’g laing pagsidlak sa adlaw human nila gipangkawras ang Tropang Texters, 100-97.

“There is definite cause for concern. We can not come out softagain. We can’t give a team like Powerade a chance now,” asoy ni Reyes, kinsa nagtinguha sa iyang
ikawalong titulo isip coach sa liga.

Kon modaog karon ang Tropang Texters, hayan sila maoy mahimong labing unang team sa milabayng 27 ka mga tuig nga makadepensa sa All-Filipino title.

Ang labing pambato sa Tigers nga si Gary David nagkanayon nga dili lang sila magpadala sa pressure bisan padayon silang naggukod sa series, 1-3.

Si Game 4, si David nipuntos og 30 aron pangulohan ang Tigers. Kini maoy ika-14 nga higayon sa playoffs nga nakapuntos og 30 o pataas si David.

“My players really wanted to win. Even if they are already physicallyand mentally tires but they don’t care at all. We are here to competeand we will,” batbat ni Powerade coach Bo Perasol.

Sa laing bahin, si David mao gyu’y napiling Best Player of the Conference (BPC) awardee.

Nadawat sa labing bangis nga Tiger ang maong pasidungog sa wala pa magsugod ang Game 4.