Donaire batok Arce mao gyud ang tinguha ni Arum

Tuesday, February 7, 2012

SA tanang mga kandidato aron makontra ni 4-time world champion Nonito “Filipino Flash” Donaire, si 5-time world champion Mexican Jorge Arce mao ang adunay dakong poruhan nga ikaharong ang laing pound-for-pound contender nga Pinoy.

Gawas kang Arce, seryusong gikonsiderar sab sa kampo ni Donaire sila si Japanese Toshiaki Nishioka, ug two-time Olympic gold medalist Guillermo Rigondeaux.

Have something to report? Tell us in text, photos or videos.

Ang promoter ni Donaire nga si Top Rank boss Bob Arum nagplano nga ipahigayon ang panagharong nila ni Donaire ug Arce karong Mayo 0 Hunyo depende kon kanus-a maalim ang angol ni Donaire sa iyang wala nga kumo.

Naangkon ni Donaire ang iyang angol sa sayong bahin sa ilang away ni Puerto Rican Wilfredo Vazquez Jr. diin midaog ang Pinoy pinaagi sa split decision aron ibulsa ang WBO super bantamweight title.

“Let’s see what happens with his hand first,” batbat ni Arum sa interbyu sa www.gmanews.tv.

“That will determine everything, but depending on the timing, we want him to face Arce next.”

Sa miaging tuig, gitangtangan og korona ni Arce si Vazquez pinaagi sa 12th round TKO nga kadaugan.

Niini, angayan lang sab gyud si Arce maoy sunod nga ikaharong ni Donaire. Sila si Arce ug Donaire mao ra’y mga boksidor nga nakalupig kang Vazquez.

Sa laing bahin, giklaro ni Donaire nga komportable gyud siya sa super bantamweight title ug plano niyang angkunon ang tanang mga titulo ning maong division.

“I’m definitely staying at 122 for a while,” asoy ni Donaire, kinsa adunay 28-1, 18 KOs nga rekord.

“There are things (trainer) Robert (Garcia) asked me to do that I couldn’t do so well, so we will go back to the drawing board.”