Layup ni Irving maoy mipukan sa Dallas

Tuesday, February 7, 2012

SA makausa pa, mipabuhagay na usab og bayanihon nga layup ang rookie nga si Kyrie Irving sa katapusang 15.8 segundos ang nahabilin aron ituboy ang Cleveland Cavaliers ngadto sa 91-88 nga kadaugan batok sa defending champion Dallas Mavericks.

Sa niaging Dominggo, susamang lay-up nga gihimo usab sa 19-anyos nga sensational nga nakapukan sa Boston Celtics.

Have something to report? Tell us in text, photos or videos.

“Big players make big plays,” nagkanayon si Mavericks guard Delonte West. “Irving made some big plays down the stretch.”

Si Irving, naila na sa iyang mga last second drama bisan pa man sa iyang unang season sa lega, mitapos sa duwa nga may 20 puntos, pito ka assists ug usa ra ka turnover sulod sa 36 minutos.

Midugang og 17 si Anderson Varejao ug 17 ka rebounds alang sa Cavs, kinsa milupig sa Mavericks 10-3 sa katapusang 4:13.

Atubangan sa 17,443 ug human matabangi ang Cavs nga makapugnit og kadaugan batok sa team nga aduna nay .500 nga record sa karong season, si Irving gipabalik sa korte ug gi-interview nga gipadungog sa tibuok Quicken Loans Arena.

“I have one thing to say, Kyrie,” matod pa sa host sa maong duwa. “Welcome to Cleveland.”

Si Dirk Nowitzki mipuga og 24 puntos alang sa Dallas ug niini iya nang naapsan si Elgin Baylor sa ika-22 nga luna sa mga listahan sa pinakataas og score sa NBA.

“It’s ugly, especially since we have to sit on this one for a couple of days,” dugang ni Nowitzki. “We’ll enjoy our day off, the best we can, and come back to work.”