Heat namugnaw

Thursday, February 9, 2012

DAYAG na kaayo unsa ka dako og natabang ang 3-point shot sa opensa sa Orlando Magic.

Kini maoy naghatag og pasidaan ngadto sa Miami Heat kon unsa sila mokastigo kon mangigo sila sa three-point area.

Have something to report? Tell us in text, photos or videos.

Kagahapon mipabaha og 25 puntos si Dwight Howard gawas sa 24 ka rebounds ug ang kinatibuk-ang puwersa sa Orlando Magic mitali og 17 ka three-pointers sa ilang 102-89
nga kadaugan batok sa Miami Heat.

Lima sa 3-point shots sa Magic nahimo ni Ryan Anderson sa first half. Siya adunay 27 puntos gawas sa 11 ka rebounds.

Ang double-double performance ni Howard maoy iyang ika 20 na sa karon nga season.

Sa kasaysayan, ang Orlando nakaposte og 19 ka triple sa usa ka duwa ug nakakulit og team record nga 42 ka attempts.

“If somebody starts rolling, then all the attention’s going to be on them. Then we’ll swing it around and we’ve got another shooter,” matod ni Anderson. “I think when the crowd gets into it, when we have great energy as a team and we’re being really unselfish and moving the ball, it is contagious.”

Ang Magic mipukan sa Miami og kasiyam sa ilang 11 ka duwa diha sa korte sa Orlando.

Nangulo sa Heat si Dwyane Wade nga mipaulbo og 33 puntos 11 sa halftime, samtang si LeBron James ang midugang og 17 alang sa Miami kansang tulo ka mga winning streak napakgang.

Ugma ang Miami adto na usab mosulong sa korte sa Washington.

Sa laing duwa, wa man tuod mahitabo ang panag-abot sa duha ka batan-on ug pinakamaayong pointguard sa NBA nga sila si Chris Paul ug Kyrie Irving, apan ang kagabhion ang laing pointguard nga si Ramon Sessions maoy mikawat sa atensyon.

Si Sessions mipakli og 24 puntos nga maoy iyang season high nga giubanan og 13 ka assists aron pangulohan ang Cleveland Cavaliers sa pagpukan sa Los Angeles Clippers, 99-92.