PBA: B-meg vs. Meralco; Alaska, Barako magtigi sab

Thursday, February 9, 2012

MAGTAKOS ang B-meg Derby Ace ug Meralco Bolts samtang ikasangka usab sa Alaska ang Barako Bull sa pagsugod sa 37th PBA Commissioner’s Cup karong gabii sa Araneta Coliseum.

Ang Llamados nga mirelis sa beteranong si Kerby Raymundo ngadto sa Ginebra bay­lo ni JC Intal makigtigi batok sa Bolts sa 7:30 sa gabii human usab sa duwa tali sa Barako Bull ug Alaska sa 5:15 sa hapon.

Have something to report? Tell us in text, photos or videos.

Uban sa ilang 6’11 nga import nga si Denzel Bowles, si B-Meg coach Tim Cone gipaabot nga mohatag og saktong kombati sa Bolts kinsa nakakuha usab sa serbisyo sa ilang 6’10 nga import nga si Jelani McCoy, kanhi power-forward sa NBA nga nakaduwa sa Seattle,
Los Angeles Lakers, Toronto Raptors, Cleveland, Atlanta ug Denver Nuggets.

Moparada usab sa ilang import ang Alaska nga si Adam Parada, 6’11, kinsa maoy nangulo kaniadto sa Red Bull ngadto sa semifinal round sa 2008 Fiesta Conference.

Iyang ikaatbang karon ang 6”10 sa Barako Bull nga si DerMarr Johnson, kanhi usab NBA player ug sixth overall pick sa Atlanta Hawks sa 2000.

Wa siya makaduwa sa 2002 human kini maaksidente sa sakyanan. Hinuon sa 2003 gikuha siya sa Phoenix Suns, ug nakaduwa usab siya sa New York Knicks, Denver Nuggets ug San Antonio Spurs.