Manny delikado

Friday, February 10, 2012

DELIKADO kaayo nga kontra si Timothy Bradley alang kang pound-for-pound champion Manny Pacquiao, matod sa usa ka beteranong sports journalist nga si Ronnie Nathanielsz.

Ang duha ka mga boksidor nagkauyon nang mag­­sinukmagay karong Hunyo 9 sa MGM Grand sa Las Vegas, USA.

Have something to report? Tell us in text, photos or videos.

Gipasabot ni Natha­nielsz nga delikado si Pacquiao ning awaya dili gumikan sa abilidad ug kusog ni Bradley kon dili sa pagkamarunong nga moaway sa Amerikanong boksidor.

“He’s a dangerous opponent because Bradley comes in with his head. May gulang ‘yan, eh,” asoy ni Nathanielsz sa interbyu sa ABS-CBN.

Nagtuo si Nathanielsz nga posible gyung moresulta sa accidental headbutt ang panag-away sa duha ka mga boksidor tungod sa estilo ni Bradley.

Matod ni Nathanielsz kon magisian si Pacquiao, hayan posibleng maapektuhan ang sunod nga away niini diin posibleng si Floyd Mayweather Jr. na ang ikaharong sa Pambansang Kamao sa Pilipinas.

“Even Freddie Roach medyo worried sa istilo ni Bradley… you know Pacquiao has been cut twice already,” pasabot ni Nathanielsz.

Si Pacquiao nagisian og dako batok kang Me­xican Erik Morales niadtong 2005 ug batok sa laing Mexican nga si Juan Manuel Marquez ni­adtong Nobiyembre sa miaging tuig.

Gipanghimangnuan ni Nathanielsz nga dili gyud mokompiyansa bisa’g gamay batok kang Bradley.

“Pacquiao may think it’s an easy fight and might not train hard... Bradley is also only 140 pounds coming to 147, but it will be a difficult fight for him because of the fighting style,” pasabot ni Nathanielsz.