Bradley masaligon vs. Pacquiao

Saturday, February 11, 2012

MASALIGON si American Timothy Bradley nga siya ang labing unang boksidor nga makalupig kang pound-for-pound champion Manny Pacquiao sulod sa pito ka mga tuig.

Nagkanayon si Bradley nga sayod siya sa kahuyangan ni Pacquiao hilabi na dihang nagkalisod ang Pinoy sa pagpakigbatok niini kang Mexican Juan Manuel Marquez
niadtong Nobiyembre sa miaging tuig.

Have something to report? Tell us in text, photos or videos.

“I know his weaknesses, his favorite combinations. In my mind, I’m definitely going to win. I’ll take it to this guy,” batbat ni Bradley sa interbyu sa LA Times.

Si Bradley pormal nang midawat sa pagpakigbatok kang Pacquiao karong Hunyo 9 sa Las Vegas, USA pinaagi sa pagpirma sa kontrata.

Alang kang Bradley, aduna siya’y saktong kon­disyon ug kaabtik nga makaputol sa sunodsunod nga kalampusan sa fighting congressman sa Sarangani Province.

“It’s harder for Pacquiao to land his shots now, and you even saw that in the Shane Mosley fight. Look, Marquez had Pacquiao’s number, and Marquez is 38 and past his prime,” batbat ni Bradley.

“I’m younger, stronger and faster than Marquez.”

Katapusang napilde si Pacquiao niadtong 2005 pinaagi sa unanimous decision batok kang Mexican Erik Morales.

Sa iyang tinguhang mailog ang World Boxing Organization (WBO) welterweight title ni Pacquiao, si Bradley gikatahong modawat og $5 million nga ganti.

Wala pa ibutyag kon pila ang ganti ni Pacquiao ning awaya apan labing seguro, dili kini moubos sa $20 million.

Si Bradley adunay 29-0, 12 KOs nga rekord samtang si Pacquiao naggunit og 54-3-2, 38KOs nga baraha.