Adlawan nanghawod

GIPAMATUD-AN ni Jon­­jon Adlawan nga siya maoy numero unong rider sa Sugbo pinaagi sa pagsakmit sa mga titulo sa expert ug pro open categories sa 2012 Season Round 5 Keiz BJ Motors & Phoenix Cyclomax Titan Invitational Motocross sa miaging adlaw sa Upper Pagsabungan, Mandaue City.

Nagsunod kang Adlawan sa expert division mao sila si 2nd placer Juvenile Abellar ug 3rd placer Winsor Famorca samtang nagsunod kaniya sa pro open mao sila si 2nd Juvenille Abellar ug 3rd placer Kimboy Pineda.

Sa lain nga bahin, ang nag-organisar sa lumba nga si Siegfred Ornopia nipakita sa nga wala pa matay-i ang iyang abilidad pinaagi sa paglangkat sa titulo sa executive
selection limited edition.

Nagsunod kang Ornopia, kanhi Rider of the Year sa MS Motosuit Motocross Series, mao sila si 2nd pla­cer Jun Enriquez ug 3rd Russell Gungob.

Si Enriquez mibawi pinaagi sa pagdaog sa executive A division diin nagsunod kaniya sila si 2nd placer Gungob ug 3rd placer Ricky Coca.

Ang ubang mga ningdaog mao sila si Cyril Tariman sa intermediate division, Titing Sicad sa executive B, Denmark Supatan sa beginners selection, Ray Quirol sa local enduro.

Milampos sab sila si R.K. Cuesta sa mini class 65cc, J.P. Cuesta sa mini 85cc, Jan Baluyos sa beginners open production, P.J. Galea sa pewee, Kent Limpag sa habal-habal, Celso Cabrillas sa habalhabal selection, ug Rowel Marano sa wanggits.

Nagpaluyo sa lumba mao ang Haojue Phils., Jun Mahusay & Family, Reynante Tigue, WRW Enterpri­ses, Aki Montecillo, Engr. Juanito Gerona, Romy Ouano, RMO Motorparts, Jeoffrey Basa­lo, Pagsabungang barangay officials ubos sa liderato ni Brgy. Capt. Andres Suson, Hon. Bubbles Suson, Major Philip Montejo, Doning Goc-ong Jr., Diamond Lumber ni Cebu boxing promoter Rex ‘Wakee’ Salud.