SAC awards ron sa Ayala

SA miaging tuig, sila ang naghatag og kolor ug drama sa paugnat sa kusog sa Sugbo gumikan sa ilang mga kalampusan. Agi’g resulta sa ilang paningkamot ug pag-antos, nakahatag sila og garbo ug dungog sa nasod. Ang ilang estorya nakahatag og inspirasyon
sa batan-ong henerasyon sa Sugbuanong mga atleta.

Karong alas 3:30 sa hapon, panahon na aron mosidlak pagbalik ang ilang mga pangalan sa
pagpahigayon sa 30th Sportswriters Association of Cebu-San Miguel Corp. (SAC-SMC) All-Cebu Sports Awards sa The Terraces sa Ayala Center Cebu.

Si Philippines Sports Commissioner Joaquin “Chito” Loyzaga maoy guest of honor ug keynote speaker sa kalihukan.

Mohatag og kulbahinam sa kalihukan mao ang pag-anusyo sa prestihiyusong modaog sa “Athlete of the Year” award.

Mokawat sab og atensyon ang pagtunol sa “Sportsman of the Year” award ngatdo kang Hon. Harry Don Radaza, kinsa maoy responsable nga naka-host ang Lapulapu City og nagkadaiyang international competitions.

Sa paningkamot ni Radaza, kaduha napahigayon ang prestihiyusong Davis Cup sa Mactan Island.

Sa pagkatukod sa Hoops Dome, nakasaksi ang mga taga Lapulapu City og bearing game sa Philippine Basketball Association (PBA).

Si Sports patron Raffy Senining maoy modawat sa ORLACSAN (Orlando C. Sanchez) Memorial Award samtang si anhing ultra marathoner Merlinda Ponce maoy modawat sa “Posthumuous Award” award.

Ang major awardees mao sila si two-division world boxing champion Donnie “Ahas” Nietes, Southeast Asian (SEA) Games cycling gold medallist John Rene Mier, chess Grandmaster Richard Bitoon, running queen Mary Grace de los Santos, and billiards master Rubilen Amit.

Ang ubang major awardees mao sila si Julius Nierras (athletics), Dondon Sombrio (archery), Roel Empacis, Jonas Ponce, Darius Bacarisas, Jeromeo Bacarisas, Jasper Cabrera, Ben Maravilles and Oscar Bradshaw (baseball/football), University of Cebu (UC) Webmasters, University of the Visayas (UV) Baby Lancers and Greg Slaughter (basketball), Ronnan Barredo and Alexis Sy (bowling), WBO Vice President for the Asia and Pacific Leon Panoncillo, Niño Surban (cycling), Don Bosco Technology Center (DBTC) (football), Kiyomi Watanabe (judo), Orencio
James de los Santos (karatedo), Johnlery Caniga (Mixed Martial Arts), Teodoro Martus
(scrabble), Beariza Roble (swimming), Glenn Lava (taekwondo), Richard Gonzales (table tennis) ug Christopher Bureros (weightlifting).

Ang nangahisgutan pulos mga kandidato alang sa Athlete of the Year nga ianunsyo sa dili pa mahuman ang event.

Aduna sa’y ipanghatag nga citation awards. (Pooled Report)