Ground and Pound VI kulbahinam: Eken
-A A +AFriday, May 25, 2012
MAKASAYSAYON ug kulbahinam nga mga aksyon sa mixed martial arts ang masaksihan sa YawYan Ardigma Martial Arts Federation Inc. “ Ground and Pound VI: Invincible” nga gikatakda karong Hulyo 14 sa Cebu Coliseum.
Matod ni Master Benigno “Ekin” Caniga Jr., YawYan ArDigma CEO/Founder VISMIN Director ug chief organizer, kini maoy labing dakong MMA event nga mapahigayon karong tuiga.
Miabot sa 12 ka mga away sa MMA ang nakalinya sa promosyon. Lakip sa angayang atngan nga away mao ang tali nila ni Alde “Pitbull” De Soza (2-1) sa Bullet Fighting System ( Muay Thai ) Mandaue batok sa wala’y pildeng si Jonathan “Mata de Leo” Esquierdo (3-0) sa Team MUMMA Cagayan de Oro. Si Soza, 2007 Pinoy Idol Boxing Champion, gikan sa submission nga kadaugan batok kang Adamson Torbisso sa labing ulahi niyang away sa Fight Grounds sa Mandaue City Sports and Cultural Center.
“Dili ko gustong mosaad. Sa ring nako ipakita ug unsa ang tinuod nakong away. Sa tuhod nako pagbantay,”batbat ni Zosa.
Ang ubang mga parisan nagsaad sab og saktong binukbokay.
Nagkantidad ang mga tiket og 1,000–VIP, 500–ringside, lower box–300 ug upper box–150.
Alang sa dugang mga impormasyon, mahimong motawag sa 2558919, 2551405 o 09324524999.
Gipatik sa mantalaang SuperBalita Cebu Mayo 26, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
