Bradley kulatado: HBO Sports
-A A +ASunday, June 17, 2012
GIKULATA gyud og maayo ni Filipino 8-time world champion Manny Pacquiao si American Timothy Bradley sa internet poll nga gipasiugdahan sa HBO Sports kabahin sa kon kinsa gyud ang angayang midaog sa panagharong sa duha ka mga boksidor ning bag-uhay lang.
Ang mga nag-ingon nga ang Pambansang Kamao sa Pilipinas maoy midaog miabot og 91 percent samtang ang mga ning-uyon nga sakto ang desisyon nga midaog si Bradley igo lang nakakuha og 7 percent.
Duha lang ka porsiyento ang nag-ingon nga tabla ang away.
Sa resulta sa away, gikuwestiyon sa kadaghanan kon giunsa pagpili sa Nevada State Athletic Commission ang judges sa away.
Napungot gyud og maayo si Top Rank boss Bob Arum ug alang kaniya, lisod halinon ang rematch kay tataw man kaayong gidominar ni Pacquiao si Bradley.
“There can’t be a rematch (with Bradley). It’s very, very hard to sell a rematch because it was a one-sided fight,” pasabot ni Arum sa interbyu sa www.philboxing.com.
Matod ni Arum nga mas ikonsiderar niya nga magharong sa ikaupat nga higayon sila si Pacquiao ug Mexican Juan Manuel Marquez karong Nobiyembre kaysa ipahigayon ang Pacquiao-Bradley rematch.
“Pacquiao fought a very close, controversial fight with Marquez that some people felt Marquez won. He fought a fight with Bradley that nobody thought he lost, other than the two judges,” pasabot ni Arum.
Matod ni Arum nga personal siyang makigkita kang Pacquiao sa umaabot aron tukion ang sunod nga away sa fighting congressman sa Sarangani Province.
Gipatik sa mantalaang SuperBalita Cebu Hunyo 18, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
