Pacquiao-Marquez 4 sa Mexico?

NAGHINAMHINAM ug nagpanikad na si Mexican Juan Manuel Marquez nga ma-fina­lize na ni Top Rank promoter Bob Arum ang ikaupat nilang away ni Manny Pacquiao.

Kon madayon ang plano, magsangka pagbalik ang duha ka dekalidad nga mga boksidor
karong Nobiyembre 10, posible sa Mexico.

Mao unta kini nga petsa nga mag-rematch sila si Pacquiao ug American Timothy Bradley apan supak kaayo si Arum ning maong ideya.

Alang kang Arum, gidominar ni Pacquiao si Bradley niadtong Hunyo 9 apan napungot siya nga napilde ang Pambansang Ka­­mao sa Pilipinas pinaagi sa split decision.

Lahi man tuod ang desisyon sa duha ka judges sa away apan alang kang Arum, klaro ug midominar gyud si Pacquiao hinungdan nga nagtuo siyang dili mahalin sa kalibutan sa boksing ang rematch.

“There’s been discussion about me fighting in July, but maybe I’ll fight with Manny on November 10. But I need to wait for Bob Arum,” matod pa ni Marquez sa interbyu sa Ringtv.com.

“If Bob Arum says that I’ll fight with Manny on November 10, that would be great for me....Bob Arum [also] said Manny might want to fight me in Mexico. That would be a great thing for me [as well].”

Gipabuhagay ni Marquez nga ang iyang mga kababayan gusto gyung magharong sila pagbalik ni Pacquiao.

“My people want to see me fight Manny again, and I’d feel very happy to do it again,” asoy ni Marquez.

Sa nag-unang tulo ka mga away, nalupigan gyud si Marquez apan dili ikalalis nga siya maoy bugtong boksidor nga nakahatag og saktong kombati batok kang Pacquiao.

Sa ikatulo nilang away, dag­han ang nagtuo lakip na ang mga eksperto nga si Marquez gyud unta ang angayang midaog.