Floyd nag-una
-A A +ATuesday, June 19, 2012
BISAN naa siya sa bilangguan, nalupig gihapon ni American Floyd Mayweather Jr. si Filipino Manny Pacquiao.
Hinuon dili kini engkuwentro ibabaw sa ring kon dili sa listahan sa Forbes Magazine nga 100 highest paid athletes.
Si Mayweather Jr., kinsa adunay angga nga “Money,” nahimutang sa no.1 nga puwesto pinaagi sa iyang $85 million nga kita sa miaging tuig.
Ang Pambansang Kamao sa Pilipinas, kinsa bag-uhay lang gilupig ni Timothy Bradley pinaagi sa kontrobersyal nga split decision, naa sa ikaduhang luna nga adunay kita nga $62 million.
Si golfer Tiger Woods, kinsa maoy nag-una sa listahan gikan niadtong 2001, igo na lang nahimutang sa ikatulong dapit nga adunay kita nga $59.4 million.
Ikaupat si NBA superstar LeBron James ($53M) samtang ikalima si tennis superstar Roger Federer ($52.7M).
Gipatik sa mantalaang SuperBalita Cebu Hunyo 20, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
