Knockout nga makaigking

GIPASALIG ni World Boxing Organi­zation (WBO) super bantamweight champ­­­ion Nonito “The Filipino Flash” Do­naire nga momugna siya’g maka­paigking nga knockout nga kadaugan sa sunod niyang tahas.

Si Donaire nakatakdang makig­harong kang International Boxing Fede­ration (IBF) champion South African Jeffrey Ma­­­the­bula karong Hulyo 8 (RP time) sa Car­son, California sa usa ka uni­fication bout.

Nagkinahanglan si Donaire nga makakulit og eksplosibong kadaugan ning higayuna aron makabawi sa iyang dili kaayo impresibong kadaugan sa mi­agi niyang pipila ka mga away.

Niadtong Oktubre, gilupig ni Do­naire si Argentinian Omar Narvaez pi­naagi sa unanimous decision sa usa ka away nga gisaway sa tibuok kalibutan nga makalaay.

Niadtong Pebrero, naangkon ni Donaire ang bakanteng WBO super ban­tamweight title pinaagi sa split decision nga kadaugan batok kang Puerto Rican Wilfredo Vazquez Jr.

Napatumba man tuod ni Donaire si Vasquez sa 9th round apan wala kini niya nadominar og maayo.

Gipasabot ni Donaire nga ning awa­ya, grabe ang iyang training hilabi na kay ikaharong niya ang mas taas nga kontra. Alang kang Donaire, kini maoy labing grabe niyang preparasyon.

“This is going to be the first fight that I really, truly worked hard. Usually, I’d go two or three times a week,” pa­sa­­bot ni Donaire sa interbyu sa www.examiner.com.

“This time, I’m there every day. I’m taking this fight seriously and see how I feel, and hopefully I carry it on for the remainder of my career.”

Nanghinaot si Donaire nga usa kini sa mga away sa iyang boxing career nga mopilit gyud sa alimpatakan sa mga tawo sama sa iyang kadaugan batok nila ni Australian Vic Darchinyan ug Mexican Fernando Montiel.

Si Donaire, kinsa maoy no.3 pound-for-pound boxer, inilog kaayo ning awaya apan iyang giklaro nga dili sa­yon nga kustomer si Ma­thebula.

“This is the hardest I’ve trained. Mathebula is a tough opponent, and I’ve re-dedicated my­self in camp,” dugang ni Donaire.

“You’ll see a different Fili­pino Flash this time around.”