Inter-collegiate giapil
-A A +AWednesday, July 4, 2012
ADUNAY gidugang nga kategoriya sa 2012 Sun.Star Superbalita 9-Ball Challenge nga gikatakdang sugdan karong Hulyo 19 sa SM City Trade Hall ning dakbayan.
Sa kinatibuk-an, lima na ka mga kategoriya ang naglangkob sa torneyo human nadugang ang Inter-Collegiate. Ang ubang mga kategoriya mao ang Elementary, High School, Class B ug ang gikaintapang Class A.
Gituohang mangapil pagbalik ang dekalidad nga mga kanhi kampiyon sa torneyo hilabi na kay gisaka ang kinatibuk-ang ganti ngadto sa P300,000 agi’g tipik sa umaabot nga Sun.Star Cebu 30th Anniversary.
Matod ni organizer Christian Rodriguez nga ang modaog sa Inter-Collegiate division morepresentar sa Sugbo alang sa Inter-Collegiate competition sa Manila.
Alang sa dugang mga impormasyon, mahimong motawag kang Allan Colonade sa 0921-3860588 o 0923-6686333.
Gipatik sa mantalaang SuperBalita Cebu Hulyo 05, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
