Pacquiao tumbahon ni Guerrero
-A A +ASaturday, July 7, 2012
SA IYANG tinguha nga makuha ang atensyon ni Filipino boxing superstar, si kanhi world champion Robert Guerrero mipasiatab nga kaya niyang tumbahon ang Pambansang Kamao sa Pilipinas kon magkakrus ang ilang dalan.
Nidugang si Guerrero nga kon dili man gani niya ma-knockout si Pacquiao, segurado siyang modominar sa away. Si Guerrero maoy labing ulahing boksidor nga nagtinguhang moaway kang Pacquiao.
“I think about [fighting Pacquiao] all the time. The way Pacquiao comes in is reckless,” matod ni Guerrero sa interbyu sa www.ringtv.com.
Si Guerrero kanhi International Boxing Federation (IBF) super featherweight champion. Nahimo na siyang world champion sa tulo ka weight divisions.
Nausa niya ang World Boxing Organization (WBO) ug World Boxing Association (WBA) interim lightweight belts pinaagi sa unanimous decision batok kang Australian great Michael Katsidis.
Nidugang og American-Mexican nga sayod gyud siya sa iyang pagabuhaton aron malupig si Pacquiao.
“I have done the homework on Pacquiao. I would use the long jab and go with a triple and quadruple jab. I would change my whole game plan,” asoy ni Guerrero.
Gipatik sa mantalaang SuperBalita Cebu Hulyo 08, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
