Donaire vs. Arce
-A A +ATuesday, July 10, 2012
KON wala’y makababag sa plano, si world super bantamweight unified champion Nonito “Filipino Flash” Donaire (29-1, 18 KO’s) makigharong kang Mexican warrior Jorge “Travieso” Arce ( 60-6-2, 46 KO’s) karong Oktubre sa bantugang Staples Center, ang balwarte sa Los Angeles Lakers.
Sa interbyu sa www.philboxing.com, nagkanayon ang promoter ni Donaire nga si Top Rank boss Bob Arum nga hapit nang ma-finalize ang panagharong sa labing kuyaw nga super bantamweights sa kalibutan.
Hinuon gipasabot ni Arum nga wala pa siya nakaeskedyul og petsa apan labing seguro, mapahigayon gyud kini sa Oktubre.
“Its not easy to clear a date but that’s the first choice. They are working on clearing a Saturday date for us in October,” pasabot ni Arum.
Si Donaire gikan sa unanimous decision nga kadaugan batok kang South African Jeffrey Mathebula ning bag-uhay lang aron idugang ang IBF sa iyang WBO title.
Samtang si Arce gikan sa kontrobersyal nga away batok kang Jesus Rojas nga miresulta og no-contest human naigo og low blow ang Mexicano.
Gipatik sa mantalaang SuperBalita Cebu Hulyo 11, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
