Petron vs. B-Meg
-A A +ATuesday, July 10, 2012
MGA duwa karon
5:15 p.m. – Meralco batok Talk ‘N Text
7:30 p.m. – Petron batok B-Meg
BITBIT ang tinguha nga magpabiling buhi ang ilang poruhan paingon sa finals, ang defending champion Petron Blaze Boosters ug Talk N’ Text Tropang Texters makigharong og lainlaing kontra sugod karong hapon sa 37th Philippine Basketball Association (PBA) Governor’s Cup semifinal sa Araneta Coliseum.
Ang Blaze Boosters (6-5) mosagubang og malisod nga tahas sa ilang pagpakigharong sa B-Meg Derby Ace Llamados (7-3) sa main game.
Samtang ang Tropang Texters (5-5) gilaumang mopatigbabaw sa ilang pagpakigsangka sa Meralco Bolts (4-7) sa premirong duwa.
Mas kulbahinam ang gilaumang masaksihang sa panagharong tali sa Petron ug B-Meg
gumikan kay pareho man silang aduna pay paglaom nga makasulod sa finals.
Hinuon dili sab magpalupig sa kakulbahinam ang premirong kombati gumikan kay kon mapilde ang Tropang Texters, hayan mawala na ang ilang poruhan sa finals.
Magsilbing panganmong ang tahas sa Bolts ning duwaa kay wala na man sila’y poruhan nga makaabante. (Frank Calapre)
Gipatik sa mantalaang SuperBalita Cebu Hulyo 11, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
