Orcollo, De Luna sud sa quarterfinals
-A A +AMonday, July 16, 2012
NAKASULOD sa quarter-finals ang mga Pinoyng sila si Dennis “Robocop” Orcollo ug Jeffrey “The Bull” De Luna human nila gipanglupig ang ilang tagsatagsa ka kontra sa miaging adlaw sa 2012 Guinness World Series of Pool: Speed Ball Challenge at the Ciputra World Mall sa Surabaya, Indonesia.
Si Orcollo, 2011 World 8-Ball champion, mibuntog kang Indonesian Adolof Leunupun sa round-of-16 pinaagi sa five-rack total time nga 05:18 minutos. Si Leunupun mioras og 8:13 minutos.
Samtang si De Luna mipukan kang Indonesian veteran Ricky Yang, 5:00 minutos kumpara sa 5:38 minutos.
Sa quarter-finals, ikaharong ni Orcollo si Cherry Suliawan sa Indonesia samtang ikaatbang ni De Luna si Darren Appleton sa Great Britain.
Gipatik sa mantalaang SuperBalita Cebu Hulyo 17, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
