Dave Peñalosa mipildi ni Ligas
-A A +ASunday, July 22, 2012
DILI pa man tuod kaayo siya ilado kumpara sa iyang igsuon nga si Dodie Boy Jr. apan hinayhinay nang naghimo og kaugalingong pangalan si Dave Peñalosa.
Si Dave, kinsa anak ni 2-time world champion Dodie Boy Sr. ug pag-umangkon sa laing 2-time world champion Gerry Peñalosa, mipasaka sa iyang rekord ngadto sa 4-0, 2KOs pinaagi sa 6th round unanimous decision victory batok kang Jonathan Ligas (3-3-1) sa miaging gabii sa Elorde Sports Complex sa Paranaque City.
Ang tulo ka judges mipadaog kang Dave sa puntos nga 59-55, 58-56, ug 58-57.
Si Dave, kinsa walhon sab sama sa iyang mga sikat nga kaliwat, midominar gyud sa away pinaagi sa iyang kaabtik ug 1-2-3 nga mga kumbinasyon.
Sa gipakitang away ni Dave, nakadayeg gyud kaniya si Gerry kay kamao na gyud kining moaway bisan 15 ra ka amateur bouts ang naagian niini.
Gipasabot ni Gerry nga dihang niaway na siya isip 6th rounder sa professional division, kapin sa 100 ka amateur fights iyang naagian.
Gipatik sa mantalaang SuperBalita Cebu Hulyo 23, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
