Managil, Santos hari ug hara sa Sonshine fun run

GIPATAPSINGAN lang ni Sherwin Managil samtang midominar si Mary Grace Delos Santos sa ilang pagdaog sa 21K division sa Sonshine Radio Run kagahapon sa The Terraces sa Ayala Center.

Padayon ang pagdominar ni Delos Santos sa running events women division sa Sugbo pinaagi sa oras nga 1:34:18, labaw og kapin sa tulo ka minutos sa nagsunod kaniya nga si Madelyn Carter (1:37:20).

Sila si Delos Santos ug Carter mao ra ang lady runners nga nakamugna’g oras ubos sa 1:40 unya ang ilang oras puwede na kaayong makasulod sa top 10 sa men’s division.

Nahimutang sa ikatulong dapit mao si Mary Jane Beboso (1:49:24), ikaupat si Abegail Lua (1:58:21). Ang ubang mga nakasulod sa top 10 mao sila si Jane-Jane Ong (1:58:37), Preciosa SAnchez (2:00:53), Marjorie Jore (2:04:53), Odiza Abellana (2:05:51), Kaye Malagar (2:06:29) ug Daisy Batac (2:06:59).

Sa men’s division, si Managil midaog pinaagi sa oras nga 1:16:52, labaw lang siya’g tulo ka segundos sa 2nd placer nga si Noel Tillor.

Ang 3rd placer mao si Adonis Singson (1:17:30), 4th placer si Alvirg Busa (1:18:55) samtang ang mokompleto sa top 10 mao sila si Riez Enriquez (1:27:41), Leo Abello (1:32:57), Michael Claudio (1:34:09), Jimmy Bolo (1:38:53), Tyrone Tan (1:40:20) ug Jessie Mesa (1:40:23.).

Sa 21 K masters di­­vi­­sion, Mark Meehan (1:47:33) maoy midaog sa men’s division samtang si Tessie Escasinas (1:58:36) sa women’s category.

Samtang sa 6K, si John Daryl Manos (2:20) milabni sa men’s title samtang si Cherry Andrin (24:57) maoy midaog women’s division.