Upat ka dakbayan naghugpong

ANG ang mga kadagkuan sa upat ka mga dakbayan nga maagian sa Ironman Triathlon Event 2012 subsub na karong mihimo og pagpangandam.

Ang upat ka dakbayan nga naghugpong alang sa maong international event mao ang dakbayan sa Lapu-lapu, Mandaue, dakbayan sa Sugbo ug ingon man sa Talisay.

Liboan ka mga partisipante lakip na ang mga entrante sa nagkalainlaing nasod ang motadlas as maong mga dakbayan. Ang Traffice Enforcement Agency of Mandaue (Team) mopakatap og otso mil ka mga tawo nga motabang sa crowd control.

Lakip na usab niini ang Special Weapon And Tactics, barangay tanod, mga tinun-an sa third ug fourth year high school mga kapulisan nga maoy mobarakada sa mga manan-aw.

Moabag usab ang ACERT, city veterinanrian, clean and green group sa pagsiguro nga limpyo ang kadalanan ug luwas ang tibuok dan gikan sa corner Plaridel ug U.N. Avenue hangtod na sa Ouano Avenue ug way mga libod-suroy nga mananap nga makasud sa rota sa biking course.

Sugod sa niaging adlaw hangtod kagahapon nihimog rekoreda ang mga sakop sa TEAM sa mga maapektahang business establishment ug mga barangay sama sa Umapad, Alang-Alang, Opao, Looc, Cambaro, Poblacion ug Subangdaku.

Samtang gipamutang na sa mga sakop sa TEAM ang mga signage aron maoy sundon sa mga motorista, panahon sa maong kalihukan ugmang adlawa.

Sugdan sa pagsira ang apektadong kadalanan, alas 4 sa kada­lawon ug estriktohong nga way makalabang sa rota alas 5:30 sa buntag ug ablihan pagbalik alas 12:30 na sa udto.