Lubong og 100
-A A +ASaturday, August 4, 2012
Mga duwa karon:
1:00 pm- USC batok UV (jrs)
2:30 pm- USJR batok DBTC (jrs)
4:00 pm- UC batok USPF (js)
5:30 pm- USC batok UC (srs)
NAGPABUGWAK og grabeng kayo ang Cebu Eastern College (CEC) Dragons nga maoy nakapaig og insakto sa Don Bosco Technolgical Center (DBTC} Baby Greywolves, 134-34, kagahapon sa Cebu Schools Athletic Foundation Inc. (CESAFI) basketball high school division sa Cebu Coliseum.
Unom ka mga magduduwa sa Dragons, 2010 champions, ang ningmugna og double-digit nga puntos nga gipangulohan ni Chris Yap, kinsa nagpakatap og 25 puntos.
Pagkahuman pa lang sa 1st quarter, kapin na sa 30 puntos ang labaw sa Dragons ug gikan niadto, padayon nang nagsaka ang labaw sa Dragons hangtod na sa katapusang gutlo.
Sa laing duwa, wala sa’y kaluoyng gipanglubong og taga liog sa Sacred Heart Schools Jesuits -Ateneo de Cebu (SHSJ-AdC) Magis Eagles ang University of San Jose Recoletos (USJR) Baby Jaguars, 111-39.
Samtang ang defending champions University of the Visayas (UV) Baby Green Lancers ningpukan sa kanhi kampiyon Cebu Institute of Technology University (CITU) Wildkittens, 86-77.
Daw nag-inusarang sundalo si Paul Desiderio sa pagkulit og 40 puntos aron pangulohan ang kadaugan sa Baby Green Lancers.
Ning pagsuwat, padayon pang nagsangka sa main game kagabii ang Southwestern University (SWU} Cobras ug USJR Jaguars sa college division.
Gipatik sa mantalaang SuperBalita Cebu Agosto 05, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
