Cebu City natala na sab sa Guinness World of Records
-A A +AThursday, August 9, 2012
HUMAN ni “Lolong,” ang higanting buaya, ang Pilipinas nakakuha napud ug puwesto sa Guiness World of Record. Kini mao ang pag-angkon sa world’s biggest chess tournament.
Ang Guiness World of Records naghisgot sa Cebu City Sports Comission para sa pagkupot sa world’s “largest board game tournament” niadtong January.
“The largest board game tournament consisted of 43,157 participants playing chess and was achieved by the Cebu City Sports Commission (Philippines) in Cebu, Philippines, on 22 January 2012,” asoy sa GWR sa ilang website.
Giingon nga ang pagsulay nila ug kab-ot sa record nagsugod sa pagtudlo sa 750 ka mga magtutodlo ug sila gitudlo-an sab ang ilang mga tinun-an.
Gikan sa Octobre ngadto sa Disyembre, sila nagsugod na’g pahigayon ug mga classroom tournaments hangtod gisundan sa school tournaments.
Ang 32 ka top players sud sa usa ka gatos nga mga iskwelahan nabutang sa grand finals sa Cebu Chess Festival.
Atol sa Chess Festival, ang GWR niila,”3,200 finalists nga nagtigi gikan sa Enero 21 ngadto sa 22 sa maong buwan sa Cebu City Sports Center diin si Allan Pason maoy nakampiyon.
Naapsan sa Cebu City ang Russia nga may 1,214 ka mga partisipante nga niapil sa ilang tournament niadtong 2007. (Joana Mae F. Capuras, PIT Abcomm Intern)
Gipatik sa mantalaang SuperBalita Cebu Agosto 10, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
