PBC ipatukod ni Pacquiao alang sa boxers
-A A +ASaturday, August 18, 2012
GISUGYOT sa fighting congressman sa Sarangani Province ang pagtukod sa Philippine Boxing Commission (PBC) aron mopatuman ug moimplementar sa paghatag og mga insentibo ug benepisyo sa professional boxers.
Si Pacquiao, kinsa maoy nagpaska sa House Bill 6409, nagkanayon nga ang tuyo ug tumong gyud sa ahensyo mao ang paggiya sa mga batan-on ug potensyal nga mga boksidor ngadto sa saktong direksyon.
“Our country has produced world-class boxing legends like the great Gabriel ‘Flash’ Elorde, and recently the likes of Nonito Donaire Jr., Donnie Nietes, Brian Viloria and the Velasco (Roel and Mansueto) brothers,” asoy ni Pacquiao sa taho nga migawas sa www.tv5.com.ph.
Gibutyag ni Pacquiao nga makaluluoy gyud ang mga boksidor nga moretiro nga wala’y madawat nga pinansyal nga benepisyo lakip na niini ang mga kanhi nakahatag og dakong dungog sa nasod.
Asoy ni Pacquiao nga tutokan sa PBC ang paghatag og health care benefits, alternative livelihood program, life insurance, death benefits, ug uban pang benefits ngadto sa mga boksidor nga makahatag og dungog sa nasod.
“Boxers risk their lives and limbs to excel in this sport. Some meet their untimely death during fights due to lack of safety and emergency medical services. It is about time that we give due attention and consideration to this sport and especially to our professional boxing champions,” dugang ni Pacquiao.
Tipik sa balaod nga isapaka ni Pacquiao mao ang paghatag og lifetime pension nga nagbalor og P15,000 matag buwan ngadto sa mga boksidor nga makakuha og lehitimong international title.
Gipatik sa mantalaang SuperBalita Cebu Agosto 19, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
