Green Lancers nagsolo na sa liderato
-A A +ASunday, August 19, 2012
NAANGKON sa 9-time champion University of the Visayas (UV) Green Lancers ang solong liderato human nila nabuntog ang laing title contender nga University of San Jose-Recoletos (USJR) Jaguars, 89-76, sa miaging gabii sa 2012 Cebu Schools Athletic Foundation Inc. (Cesafi) college division sa Cebu Coliseum.
Ang Green Lancers ni coach Donbel Belano naggunit na karon og 4-0 nga baraha samtang ang Jaguars ni coach Edito Salacut natagak sa 3-1 nga rekord.
Sa sayong bahin, ang Jaguars nakakombati pa’g insakto batok sa mas tag-as nga Green Lancers.
Apan dihang nakamugna og 48-38 nga labaw ang Green Lancers sa halftime, wala na gyud sila motugot nga mailog pagbalik sa Jaguars ang labaw hangtod na sa katapusang gutlo.
Adunay mga higayon nga miaksyon paggukod ang Jaguars apan wala ra gyud sila nakalahutay.
Sa high school division, ang USC Baby Warriors ningpukan sa CEC Dragons, 76-63, gipangmakmak sa USPF Baby Panthers ang USJ-R Baby Jaguars, 80-61, samtang gipanglampornas sa SHS-AdC Magis Eagles ang CITU Wildkittens, 81-59.
Puntos matag usa:
UV (89) - Akomo 20, Escocio 13, Calo 13, Abad 13, Silva 11, Perolino 6, Mercader 5, Saycon 5, Arong 3
USJ-R (76) - Tabaloc 18, Suliman 13, Olbedado 11, Regalado 9, M. Parker 7, de la Rama 7, Senining 5, Abing 2, C. Parker 2, Lajato 2.
Gipatik sa mantalaang SuperBalita Cebu Agosto 20, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
