Bradley rematch?
-A A +AMonday, August 20, 2012
MISUBAW ang posiblidad nga si undefeated WBO welterweight champion Timothy Bradley maoy makontra ni 8-time division world champion Manny Pacquiao.
Matod pa sa tinubdan, nga si WBO jr. welterweight champion Juan Manuel Marquez kinsa nanglantaw sa ilang ikaupat nga panagsangka, nagpapresyo og maayo.
Si Bob Arum, ang promoter ni Pacquiao, mibutyag nga taas ra kaayo ang gipangayo ni Marquez nga daw sa di haom sa iyang presyo.
“It’s business. Marquez wants too much money and they are simply not going to pay an opponent the kind of money he’s demanding,” matod sa tinubdan.
Gipasabot sa tinubdan nga di ikaupat nilang panagsangka di attractive sa promoter kon ang duha modemanda og dakong premyo.
Ang dakong pagbungat ni Marquez sa premyo maoy nakapaabli sa pultahan sa posibilidad nga pagpakig-rematch ni Bradley bisan pa man og wa kaayo mokita ang promoter sa ilang unang away.
Giingon nga andam si Bradley nga moaway sa mas gamay nga presyo kon itandi sa kang Marquez nga maoy makapadani sa Top Rank promotions.
Gipatik sa mantalaang SuperBalita Cebu Agosto 21, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
