Nishioka nagpanikad sa ilang away ni Donaire
-A A +AMonday, August 20, 2012
GIPABUHAGAY ni World Boxing Council (WBC) super bantamweight champion Japanese Toshiaki Nishioka nga usa ka dakong hagit alang kaniya ang pagpakigbatok kang Nonito “The Filipino Flash” Donaire.
Si Nishioka (39-4-3, 24KOs) makigharong kang Donaire (29-1, 18KOs), tag-iya sa World Boxing Organization (WBO) title, karong Oktubre 13 sa Home Depot Center in Carson, California, USA sa usa ka unification bout.
Gipasabot ni Nishioka nga kon ilado ug kuyaw ang iyang kontra sa usa ka dakong away, mas mahagit ug madasig gyud siya’g maayo.
“Donaire has a great reputation around the world and is considered one of the best pound-for-pound fighters,” matod ni Nishioka sa interbyu sa Japan Times. “He’s the one who I’ll be fired up for the most.”
Gitataw ni Nishioka nga ang pagpakigharong kang Donaire mao gyud ang iyang gipangandoy nga away.
Gani dihang gikataho nga napalpak ang negusasyon ning awaya, matod ni Nishioka nga daw nahugno gyud ang iyang kalibutan.
Hinuon dako ang iyang kalipay nga milampos ra gyud ang negusasyon.
“I was truly pleased about it,” asoy ni Nishioka dihang nasayran niyang madayon ang ilang away ni Donaire.
Si Ken Morita, presidente sa Japan Boxing Commission, mihulagway sa panagsangka nila ni Nishioka ug Donaire nga labing dakong away sa kasaysayan sa boksing sa Japan.
Gipatik sa mantalaang SuperBalita Cebu Agosto 21, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
