Gesta moaway na og world title

NAGPANIKAD na gyud og maayo si US-based Cebuano Mercito “No Mercy” Gesta (26-0-1, 14KOs) kay paingon nang matuman ang dugay na niyang gipangandoy – ang makaaway alang sa world title.

Human sa iyang impresibong 9th round TKO nga kadaugan batok kang Ty Barnett, ang mga nagdumala kang Gesta milihok na aron iparang isip challenger ang lumad nga taga Mandaue City batok kang International Boxing Federation (IBF) lightweight champion Mexican Miguel Vazquez (31-3, 13KOs) karong Nobiyembre.

Dili kini sayon nga tahas alang kang Gesta ug sayod siya niini hinungdan nga misaad siyang doblihon gyud niya ang iyang paningkamot sa training.

Kahibalo si Vasquez mogamit sa iyang gitas-on nga 5’10” aron paghakot og puntos ug mao gyud kini ang pangandaman og maayo ni Gesta.

“I think he’s more difficult than other guys I fought,” asoy ni Gesta kabahin kang Vazquez sa interbyu sa www.boxingscene.com.

“He knows how to use his height. He knows how to back up.

He’s not engaging. That’s kinda’ hard. It’s hard to fight a guy that doesn’t want to fight; just hit and run, hit and run.”

Hinuon sama sa nangagi niyang mga away, masaligon si Gesta nga ang iyang team makahimo og plano aron maalkontra ang gitas-on ni Vasquez.

“We’ll always have a plan for that and try to find out how to get inside, maybe try to corner him if he backs up. Not try to follow him, but stop him in the corner. That’s probably what I’m going to do on top of what my dad will tell me, and Vince (assistant trainer Vince Parra). We’ll do our homework,” pasabot ni Gesta.

Gitataw ni Gesta nga dihang nasayran niyang giplano na ang panagharong nila ni Vazquez, nagpanikad na gyud siya’g maayo.

“Right now, hearing that, that I’ll be fighting for a title against him is just exciting. I can’t wait,” asoy ni Gesta.