ALA gym mosanga sa Amerika

HUMAN sa kapin sa duha ka mga tuig nga pagpanikaysikay, niamag na’g gamay ang plano sa ALA Promotions mga magtukod og boxing gym sa San Diego, California, USA isip usa ka sanga sa world class nga ALA gym sa Nasipit, Talamban, Cebu City.

Nagkanayon si ALA Promotions president Michael Aldeguer nga sa iyang banabana nga mosanga na sa Amerika ang ALA gym sa tunga­tungang bahin sa tuig 2013.

“This is our long- term plan. It’s been two years now. Se­guro by middle of 2013 we can put up a satellite gym in the US,” matod ni Aldeguer.

Gipasabot ni Aldeguer nga nakadugang og kadasig kanila nga magtukod og gym sa Amerika mao ang ilang Pinoy Pride boxing series, nga gihangop sa boxing fans dili lang sa Pilipinas, kon dili has­ta sa Amerika.

“We re­ceived a lot of emails kon kanus-a mi mag-Pinoy Pride sa US. Ang target namo is next year. Maybe by that time, we can put up already a gym there,” dugang ni Aldeguer.

Matod ni Aldeguer nga kinahanglan sab nilang magtukod og kaugali­ngong gym sa Amerika alang sa training sa ilang mga boksidor kon aduna kini dag­kong mga away.

Nidugang si Aldeguer nga sa Ame­rika, dili sila maglisod pagpangita og sparring partners maong naninguha silang makasanga sa maong dapit.

Sa laing bahin, giasoy ni Alde­guer nga wala pa’y kaseguroan nga ilang makuha ang trainer ni world super ban­tamweight champion Nonito “The Filipino Flash” Donaire nga si Robert Garcia aron mo-train sa ilang mga boksidor partikyular si jr. welter­weight Jason Pagara.

Giangkon ni Aldeguer nga nagkaes­torya na sila ni Garcia ka­bahin niini apan wala pa gyu’y klaro ang tanan gumikan kay daghan mang gimbuhaton si Garcia.

Gawas kang Donaire, si Garcia ma­­o sab ang trainer nila ni Kelly Pavlik, Marcus Maidana, ug sa iyang igsuong si Mikey Garcia.