Orcollo, Corteza andam na
-A A +AWednesday, August 22, 2012
ANDAM na sab mopakita sa ilang kabangis ang Pinoy cue masters Dennis “Robocop” Orcollo ug Lee Vann “The Slayer” Corteza sa 2012 Partypoker.Net World Cup of Pool karong Septiyembre 4-9 sa Robinson’s Place sa Manila.
Ang duha mao ang molangkob sa Philippine Team A, nga usa sa mga sayong inilog sa torneyo nga magdalit og $250,000 nga kinatibuk-ang ganti diin $60,000 ang mabulsa sa kampiyon.
Sa premirong nilang tahas, ikaharong nila ni Orcollo ug Corteza ang gikahadlukan sab nga Swiss tandem nila ni Dimitri Jungo ug Ronni Regli.
Isip usa ka host country, ang Pilipinas gitugtan nga makaporma og duha ka teams diin ang magkumpareng sila si Efren “Bata” Reyes ug Francisco “Django” Bustamante ang molangkob Philippine Team B.
Sila si Reyes ug Bustamante mao ang labing unang mikampiyon sa torneyo niadtong 2006.
Sa miaging World Cup of Pool, nagpares sila si Orcollo ug Ronato “Volcano” Alcano hasta sila si Reyes ug Bustamante isip mga representante sa Pilipias.
Apan ang duha ka RP teams parehong kutob ra sa quarter-final round.
Sa kinatibuk-an, adunay 32 ka teams gikan sa 31 ka mga nasud ang magdinumbolay ning pretihiyusong torneyo. (Claire Ann V. Cuizon ug Sherly Joy C. Pasaylo, SWU Mass Comm Interns).
Gipatik sa mantalaang SuperBalita Cebu Agosto 23, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
