Fajardo, Petron vs. Cesafi stars
-A A +AThursday, August 23, 2012
GOOD news alang sa mga Sugboanon.
Ang higanting si June Mar Fajardo, kinsa nagsugod sa iyang masanagon nga basketball career sa Cebu Schools Athletic Association Foundation, Inc. (Cesafi), subhan sa unang pagduwa sa iyang bag-ong team sa PBA dinhi ra usab sa Sugbo.
Karong Septiyembre 9, si Fajardo, ang no. 1 pick sa 2012 PBA Drafting niadtong Dominggo didto sa kaulohan, uban sa kinatibuk-ang puwersa sa Petron Blazers ang makigsangka sa Cesafi Selection nga maoy main attraction sa 2012 Cesafi All-Star game.
“The board has already approved last night. Petron Blazers with June Mar (Fajardo) and Dondon (Hontiveros) will be playing against our Cesafi Selection,” matod ni Cesafi Commissioner Felix Tiukinhoy Jr.
Gawas nila Fajardo ug Hontiveros nga pulos produkto sa University of Cebu, anaa na usab karon sa Petron si Chico Lanete, kanhi pointguard sa University of the Visayas Green Lancers.
Ikauban nila sila si Jay Washington, Arwind Santos, Denoks Miranda, Dorian Pena, Chris Lutz, Alex Cabagnot, Danny Ildefonso, Paolo Hubaldo, Marcio Lassiter, Joseph Yeo, RJ Rizada, Joselito Duncil ug Axel John Doruelo.
Si Olsen Racela mao karon ang bag-ong headcoach sa Blazers puli ni Ato Agustin kinsa gikatahon nga mosulod na sa arena sa pulitika.
Sa preliminary nga sugdan sa ala una sa hapon, magsangka ang North ug South team sa high school division.
Ang tiket nagkantidad og P50 (gen. ad), P100 (upper), P150 (lower), P200 (ringside) ug P250 (VIP).
Gipatik sa mantalaang SuperBalita Cebu Agosto 24, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
