Tenorio sa Ginebra na

GIAPRUBAHAN sa Philippine Basketball Association (PBA) kagahapon ang makapakurat nga pagbinayloay og mga magduduwa nga naglambigit og lima ka teams ug daghang sikat nga mga magduduwa.

Ning maong kalambuan, nabalhin ang MVP sa bag-uhay lang nahuman nga 34th William Jones Cup sa Taiwan nga si LA Tenorio ngadto sa Brgy. Ginebra Gin Kings gikan sa Alaska Aces ug Dondon Hontiveros ngadto sa Alaska gikan sa Petron Blaze Boosters.

Nasurpresa ang kadaghanan dihang gibuhian sa Alaska si Tenorio aron makuha sila si Hontiveros gikan sa Petron ug JV Casio gikan sa Global Port Batang Pier dugang ang 2015 second round pick ning maong komplikadong panagbayloay og mga magduduwa.

Sa ilang bahin, nakuha sa Petron sa ilang pagbuhi kang Hontiveros mao sila si Hans Thiele ug Wesley Gonzales gikan sa Alaska.

Aron makuha lang si Tenorio, ang Ginebra ningbuhi ni Enrico Villanueva ug sa ilang 2014 1st round pick ug 2015 2nd round pick.

Si Villanueva nahitapon sa Barako Bull Energy Drink, nga ningbuhi kang two-time Willie Miller, kinsa nabalhin na karon sa Global Port dugang ang 2014 1st round pick sa Ginebra.

“We have been approached by many teams for LA and they have all been denied because we felt LA was an integral part of our team,” asoy ni Aces GM Joaqui Trillo sa usa ka news release sa Alaska pinaagi sa email.

“However, looking forward, we also see the promise of JV and feel he can bring a lot to Alaska. So we are taking a leap of faith but a calculated one.”

Alang sa Alaska, gikinahanglan sab gyud nila ang katakos ni Hontiveros hinungdan nga ning-uyon sila ning maong pagbinayloay og mga magduduwa bisan nawala kanila si Tenorio.