Donaire kondisyon kaayo
-A A +AWednesday, September 19, 2012
NINDOT ang dagan sa preparasyon ni Nonito “The Filipino Flash” Donaire alang sa umaabot niyang super bantamweight world unification bout batok kang Japanese Toshiaki Nishioka nga gikatakda karong Oktubre 13 sa Home Depot Center sa Carson, California.
Mao kini ang pagsuta sa trainer ni Donaire nga si Robert Garcia karon nga nagkaduol na ang away.
Nagkanayon si Garcia nga ang sparring partners nga iyang gipangkuha alang kang Donaire pulos gyud abtik kaayo.
“Donaire looks really good and is better than I expected. He’s throwing his jab real good and has good defense,” matod ni Donaire sa interbyu sa www.philboxing.com
Matod ni Garcia nga iya gyung gipahimangnuan si Donaire nga dili mokompiyansa kay dili sayon nga kontra si Nishioka, kinsa usa ka boxing superstar sa Japan.
Masaligon si Garcia nga ang kaabtik ni Donaire mopatigbabaw gyud ning awaya.
“Nonito is too fast, too smart and I think he will be able to control the fight from the beginning,” asoy ni Garcia.
Gipatik sa mantalaang SuperBalita Cebu Septembre 20, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
