Jaguars molabni sa 3rd place

KONSUWELO na man lang tuod ang giilugan apan bangis gihapon ang University of San Jose Recoletos (USJR) Jaguars sa ilang paglampornas sa Uni­versity of Cebu (UC) Webmasters, 74-59, sa miaging gabii sa Game 1 sa best-of three 3rd place series sa Cebu Schools Athletic Foundation Inc. (Cesafi) col­lege division sa Cebu Co­liseum.

Ang Webmasters, nga natangtangan sa ilang back-to-back titles karong tuiga, nakakombati pa’g insakto sa nag-unang unom ka mga minutos apan humman niadto, nakontrolar na gyud sa Jaguars ang duwa.

Ningmugna og paspas nga 9-0 run ang Jaguars aron pagkulit og 16-10 nga labaw sa 1st quarter.

Nainat sa Jaguars ni coach Edito Salacut ang ilang labaw ngadto sa 10 puntos sa nahabiling 43.1 segundos sa half.

Sa sayong bahin sa 4th quarter, nakaduol pagbalik ang Webmastyers ni coach Rhoel Gomez, 51-54.

Apan pinaagi sa pagpangulo nila ni Jason Olbedado, Abulaiz Suliman, ug Miguel Tabaloc, ang Jaguars nakapasutoy pagbalik sa ilang opensa aron inaton pagbalik ang ilang labaw.

Ning higayuna wala na molingi pagbalik ang Jaguars.

Gipangulohan ni Tabaloc ang kadau­gan pinaagi sa iyang 16 puntos ug nidu­gang og 13 puntos si Olbedado samtang ang Webmasters gipangulohan ni Val Cue­a pinaagi sa iyang 15 puntos unya miamot og 12 puntos si Brian Heruela.

Sa main game karong gabii, tiklupon og suway sa Jaguars ang series sa ilang pagpakigbatok og balik sa Webmasters.

Sa premirong duwa, humanon sab og suway sa Cebu Eastern College (CEC) Dra­gons ang high school best-of-three series sa ilang pagpakigsangka’g balik sa Cebu Institute of Technology University (CITU) Wildkittens.

Sa premirong duwa sa series, gipang­buntog sa Dragons ang Wildkittens, 81-78.

Puntos matag usa:

USJ-R (74) – Tabaloc 16, Olbedado 13, Suliman 9, C. Parker 8, de la Rama 7, Capilar 7, Regalado 6, M. Parker 6, Froilo 2.

UC (59) – Cueva 15, Heruela 12, Mo­hammad 11, Wagas 7, Quilantang 6, Cabrera 6.