Ref sa PBA gisuspenso
-A A +AMonday, October 8, 2012
GISUSPENSO sa PBA si referee Jun Marabe human ma-review ang performance niini atol sa duwa niadtong Dominggo diin midaog ang Ginebra batok sa Rain or Shine, 98-94.
Gitawagan ni Marabe og foul si Gabe Norwood sa Elasto Painters sa krusyal nga mga segundos sa dihang miilog kini sa bola gikan ni LA Tenorio. Ang maong tawag giprotestahan ni Rain or Shine coach Yeng Guiao.
“Referee Marabe is suspended upon review of the call he made on Gabe Norwood late in the game between Ginebra and Rain or Shine,” matod ni PBA commissioner Chito Salud, kinsa midugang pagpahibaw nga ang maong official gi-banned tungod kay wa kini motuman sa ilang “areas of jurisdiction” aron maoy motawag.
Si Marabae suspensuhon og tulo ka semana, diin langkuban kini og 11 ka duwa.
Ang Rain or Shine, sa sayo pa, miawhag nga i-review ang officiating sa maong duwa ug hinuon wa kini mo protesta.
“Sanay naman kami na natatalo, but we’re not really happy with the calls last night, particularly that last play where Norwood was called for a foul,” saysay ni Rain or Shine co-owner Raymond Yu. “It should have been let go by the ref. In my opinion, games should be decided by team and players’ execution and not the refs’ call.”
Gipatik sa mantalaang SuperBalita Cebu Oktubre 09, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
