Nishioka moretiro
-A A +AWednesday, October 17, 2012
GIKATAHONG moretiro na si kanhi world super bantamweight champion Japanese Toshiaki Nishioka human sa iyang 9th round TKO nga kapildihan batok kang Nonito “The Filipino Flash” Donaire ning bag-uhay lang sa Carson, California USA.
Niini, hinayhinay na gyung nakasunod si Donaire sa lakang ni 8-time world champion Manny Pacquiao, kinsa pipila na sab ka dekalidad nga mga boksidor ang giparetiro sama nila ni Marco Antonio Barrera, Oscar De La Hoya, ug Ricky Hatton.
Si Nishioka gituohang makahatag og saktong binukbokay ngadto kang Donaire gumikan kay gikonsiderar man siyang no.1 super bantamweight sa Ring Magazine.
Apan wala kini nahitabo. Tataw nga nagpanaga gyud si Nishioka sa kusog ni Donaire ug nakatilaw pa siya’g knockdowns sa 6th ug 9th rounds una giundang sa referee ang away.
Kini maoy labing unang pilde ni Nishioka sulod sa walo ka mga tuig ug labing unang higayon nga natikangkang siya sulod sa ring.
Si Nishioka nag-edad na og 36 ug adunay 39-5-3, 24KOs nga rekord.
Mismong ang pangulo sa Nishioka gym nga si Akihiko Honda ang nagkanayon nga niabot na sa utlanan ang pagpamoksing sa gitawag og “Speed King.”
“This is the end,” asoy ni Honda sa interbyu sa usa ka boxing website. “He put himself on the line. He knows (it’s over) and I think he would have called it quits even if he had won.”
Wala mokomentaryo si Nishioka kabahin ning maong isyu apan matod niya nga nasagmuyo gyud siya sa iyang gipakitang away batok kang Donaire.
“I was cautious at the start and wanted to be more aggressive from the middle of the bout. I knew I was behind on points (in the ninth round), and just had to go for it. I did everything I could,” mensahe ni Nishioka.
Sa iyang bahin, si Donaire nakadayeg gyud sa kapabilidad ni Nishioka.
“Nishioka didn’t have any fear. He had the heart and tried to knock me out. You saw, he kept tossing and throwing punches at me and he’s a true warrior,” asoy pa ni Donaire.
Batbat ni Donaire nga nakadayeg siya sa kaagresibo ni Nishioka hilabi na dihang natumba kini sa 6th round.
“A lot of guys who got hurt would have been running around and covering like crazy,” pasabot ni Donaire.
Gipatik sa mantalaang SuperBalita Cebu Oktubre 18, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
