Bradley maoy napili?

-A A +A

Tuesday, January 7, 2014


NAKADESISYON na si kanhi 8-time world champion Manny Pacquiao ug iyang gipili si American Timothy Bradley Jr. nga maoy iyang kontrahon karong Abril 12, basi sa taho sa boxing website Fight Hype.

Si Pacquiao, kinsa gikan sa dominanteng desisyon nga kadaugan batok kang Brandon Rios niadtong Nobiyembre, nagpili nila ni Bradley ug Russian brawler Ruslan Provodnikov.

Usa ka kasaligang tinubdan sa Fight Hype nga gustong makig-away og balik si Pacquiao kang Bradley, kinsa maoy naglupig kaniya pinaagi sa kontrobersyal nga split decision niadtong Hunyo sa miaging tuig.

Advertisement

“Neither guy (is) a big draw, but with Bradley, they can at least hang their hat on the fact that there’s history between the two fighters. The controversy of their first fight makes it a lot easier to sell than a fight with the Russian kid,” asoy sa tinubdan.

Gipasabot sa tinubdan nga ang nakaduso sab sa desisyon ni Pacquiao ang kadaugan ni Bradley batok sa higpit nga karibal sa Pambansang Kamao sa Pilipinas nga si Mexican Juan Manuel Marquez.

Si Marquez dili na gustong makig-away og balik kang Pacquiao kay tinguha niini ang iyang brutal nga 6th round knockout nga kadaugan batok sa fighting congressman maoy motuldok sa ilang panagribal ug magpabilin kini sa kasaysayan.

“He (Marquez) doesn’t want to give Pacquiao the chance to avenge the KO, and he’s demanding that he be given the rematch with Tim, even though he acted like a sore loser after their fight,” dugang sa tinubdan.

“He’s acting like a diva, and nobody wants to deal with that. Just about everyone – Manny, Tim and even (Top Rank boss) Bob (Arum) – would love to stick it to him and
leave him with no other option than the Russian.”

Sa sayo pa, giklaro nang daan ni Arum nga si Pacquiao maoy modesisyon kon kinsa ang gusto niyang sunod nga kontrahon.

Sa laing bahin, ang Canadian adviser ni Pacquiao nga si Michael Koncz maoy angayang basulon kon nganong nagkaproblema ang Pambansang Kamao sa Pilipinas sa iyang bayranan sa tax.

Mao kini ang gibutyag sa legal counsel ni Pacquiao nga si Atty. Franklin “Jeng” Gacal.

Gipasabot ni Gacal nga si Koncz maoy ang mosusi sa obligasyon ni Pacquiao sa tax tungod kay mao kini ang morepresentar sa boksidor sa tanang transaksyon niini sa Amerika.

Gitataw ni Gacal nga aduna gyu’y problema si Pacquiao sa tax niini sa Amerika.

“Well, it appears there is really a problem. The IRS is claiming there is a tax deficiency. If there were some mistakes, it was Mike’s fault. Why did it happen?” batbat ni Gacal, who is currently recuperating from stroke, matod ni Gacal sa interbyu sa www.boxingscene.com.

Gipatik sa mantalaang SuperBalita Cebu Enero 08, 2014.

Isports

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for December 22, 2014
Sun.Star Jobs
  • Pnoy
  • Sun.Star Zup!
  • Sunstar Multimedia
  • Philippine Polls
  • SunStar Celebrity
  • Filipino Abroad
  • ePaper
  • Calamity Report
  • Sinulog
  • Festivals
  • Habemus Papam
  • goodearth
  • Pacman blog
  • tell it to sunstar
  • Technology
  • Obituary